Amt Garz
Dat Amt Garz weer en Verwaltungsrebeed in dat Förstendom Lümborg un in dat Königriek Hannover mit Seet in Garz binnen de Landdrostie Lümborg. Dor hebbt de Öörd Garz, Kaarz, Rausendahl un Vagelsang (de veer Brookdörper) tohöört. Tosätzlich hett dor Besitt in de söven Dörper Sieck, Beckling, Gienau, Ahndörp, Pommoissel, Lüben un Niefitz tohöört.[1]
Historie
[ännern | Bornkood ännern]Dat Amt hett sik ut’n Besitt von de Familie von dem Berge billt, de 1623 utstorven is. De Besitt (de veer Brookdörper un Streibesitt in de Ämter ümto) is an de Hartöög in Celle fullen, de dor en Amt ut billt hebbt. Dat weer keen slaten Rebeed, de Besitt leeg verstreit in dat Amt Bleikd.
Von 1742 af an is dat Amt Garz von dat Amt Bleikd mit verwalt worrn.
As 1795 de Amtsvaagdie Bienbüddel von dat Amt Winsen oplööst worrn is, sünd twee Katen (in Gienau un Sieck) ut de Amtsvaagdie an dat Amt Garz övergahn.[2][3] Gliektiedig hett dat Amt Garz Hööv afgeven: in Gifkendörp (5 Halvhööv un 1 Brinksitter) un Wullsdörp (4 Halvhööv) an dat Amt Lüün, in Riest (2 Halvhööv) an dat Amt Medingen un in Bossel (2 Halvhööv un 1 Kaat), Volgern (1 Halvhoff), Ehrhoorn (1 Halvhoff), Äästörp (1 Halvhoff), Rulfsen (1 Halvhoff), Scharnbeek (1 Halvhoff un 1 Kaat), Ashusen (1 Halvhoff un 1 Brinkkaat), Toppenstää (1 Halvhoff) un Örsen (1 Halvhoff) an dat Amt Winsen.[2]
1823 is dat Amt Garz denn kumplett oplööst worrn un weer Deel von dat Amt Bleikd, dat na disse Tied ok Amt Bleikd-Garz nöömt worrn is.
Inwahnertall
[ännern | Bornkood ännern]| Johr | Inwahners |
|---|---|
| 1810[4] | 740 Lüüd, 78 Füürsteden |
Drosten/Amtlüüd
[ännern | Bornkood ännern]- ~1732: von Spörcke
- 1736–1741: Ernst Joachim Grote
- ~1784: Georg Erdwin Hapke
- 1787–1800: Detlef Barthold von Schrader
- ~1819: vakant
- 1820–1823: Heinrich August Meyer
Footnoten
[ännern | Bornkood ännern]- ↑ Urban Friedrich Christoph Manecke: Topographisch-historische Beschreibungen der Städte, Aemter und adelichen Gerichte im Fürstenthum Lüneburg. Capaun-Karlowa, 1858, Sied 349
- ↑ a b Ernst Spangenberg: Sammlung der Verordnungen und Ausschreiben welche für sämmtliche Provinzen des hannoverschen Staats ergangen sind. 3. Deel (1780-1799), Hahnsche Hoffbookhandlung, Hannover 1821, Sied 765-778
- ↑ Holger Runne: Geschichte der Amtsvogtei: von den Anfängen bis zur Auflösung 1795. Schriftenreihe zur Geschichte Bienenbüttels und seiner Ortsteile, 2005, Sied 98
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 135: https://books.google.de/books?id=c24IAAAAQAAJ&pg=PA135