Scharmbääk

Vun Wikipedia
Wapen/Flagg Koort

Wapen vun Scharmbääk

Scharmbääk
Laag vun Scharmbääk in Düütschland
Basisdaten
Bundsland: Neddersassen
Landkreis: Horborg
Gemeen: Winsen
Inwahners: 1.550 (2014-06-3030. Juni 2014)
Postleettall: 21423
Vörwahl: 04171
Geograafsche Laag:
Koordinaten:53° 21′ N, 10° 9′ O
53° 21′ N, 10° 9′ O

Karte

Scharmbääk (hoochdüütsch Scharmbeck) is en Dörp in de Gemeen Winsen in’n Landkreis Horborg, Neddersassen. De Oort billt binnen de Gemeen Winsen en Oortschop mit egen Oortsvörsteiher.

Geografie[ännern | Bornkood ännern]

De Oort liggt an’n Rand von de Geest hen na de Masch von de Elv. Dör den Oort flütt de Scharmbäker Dörpbeek, de mit’n Parrnser Beek un mit’n Diekgraven bi Gehrden verbunnen is.

De Naveröörd sünd Ashusen un Gehrden in’n Noorden, Grevelau un Winsen in’n Noordoosten, Reidörp in’n Oosten, Luhdörp in’n Süüdoosten, Parrns in’n Süden, Thieshoop un Holtörp in’n Süüdwesten, Ohlendörp in’n Westen un Büllhorn in’n Noordwesten.

Historie[ännern | Bornkood ännern]

Scharmbääk kummt 1197 toeerst in de Oorkunnen vör. Dat öllste Ünnernehmen in’n Oort is de Tegelee, de al en poor hunnert Johr besteiht.

In’n Eersten Weltkrieg sünd 25 Soldaten ut Scharmbääk fullen oder vermisst un in’n Tweten Weltkrieg 53.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Parrns in’n Kanton Winsen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Parrns in dat Amt Winsen tohöört. To Anfang dat 19. Johrhunnert hebbt aver twee von de Hööv in dat Dörp noch bi dat Amt Garz bihöört. In de Tied von 1852 bet 1859 weer de Oort kort in dat Amt Parrns. Na 1885 weer dat in’n Kreis Winsen un is 1932 Deel von’n Kreis Horborg worrn.

De Oort is an’n 1. Juli 1972 mit de Gemeenreform in Neddersassen Deel von de Gemeen Winsen worrn.

Inwahnertall[ännern | Bornkood ännern]

Johr Inwahners
1793-00-001793[2] 30 Füürsteden
1812-00-001812[3] 266
1824-00-001824[4] 32 Füürsteden
1848-00-001848[5] 388 Lüüd, 43 Hüüs
1871-12-011. Dezember 1871[6] 379 Lüüd, 52 Hüüs
1910-12-011. Dezember 1910[7] 483
1925-00-001925[8] 494
1933-00-001933[8] 463
1939-00-001939[8] 507
2014-06-3030. Juni 2014 1.550

Religion[ännern | Bornkood ännern]

Scharmbääk is evangeelsch-luthersch präägt un höört to dat Kaspel von de Gertrud-Kark in Parrns.

För de Kathoolschen is de Goden-Hirt-Kark in Winsen tostännig.

Wapen[ännern | Bornkood ännern]

Dat Wapen von Scharmbääk wiest baven op gollen Grund en blauen Lööw mit rode Tung un rode Klauen un ünnen op grönen Grund en sülvern Wellenlien.

De Bruunswieker Lööw baven steiht dor för, dat de Oort fröher to dat Hartogdom Bruunswiek-Lümborg höört hett. De Wellenlien steiht för de Luh.

Oortsvörsteihers[ännern | Bornkood ännern]

  • opstunns (Stand 2015): Christel Goes

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Scharmbääk an de Hauptstraat.

An’n eersten Sünndag in’n September warrt in Scharmbääk jümmer dat Erntefest fiert.

De Sülverhoff, de 1612 von’n Tegelmeester Peter Lembke boot worrn is, is 1962 afbraken un an dat Helms-Museum in Horborg verköfft worrn. Eerst 1986 is dat Huus in dat Butenmuseum op’n Kiekbarg wedder opboot worrn.

Verenen[ännern | Bornkood ännern]

De Sportvereen MTV Scharmbääk is an’n 6. September 1910 grünnt worrn.

Weertschop un Infrastruktur[ännern | Bornkood ännern]

Scharmbääk hett en egene freewillige Füürwehr, de an’n 3. Juni 1887 grünnt worrn is. Vörher hett dat en Plichtfüürwehr geven.

Siet 2013 löppt de Eerdgas-Pieplien NEL in’n Süden twüschen Scharmbääk un Parrns langs.

Verkehr[ännern | Bornkood ännern]

Dör Scharmbääk löppt de Kreisstraat 8, de in’n Noorden na Ashusen un in Gehrden an de K 86 ran geiht un in’n Süden na Parrns an de Landsstraat 215 ran. Von de K 8 na Noordoosten af geiht de L 217, de na Winsen löppt. En lüttjere Straat geiht na Grevelau.

De nächste Autobahn is de Autobahn 39 (Afsnidd HamborgLümborg). De Opfohrt 3 Winsen-West liggt direkt an’n Noordrand von Scharmbääk an de K 8/L 217.

De nächste Bahnhoff is so bi dree Kilometer wied weg in’n Noorden de Bahnhoff Ashusen an de Bahnlien Hamborg–Hannover.

Literatur[ännern | Bornkood ännern]

  • 800 Jahre Scharmbeck. Das Dorf auf der Grenze zwischen Marsch und Geest. Scharmbecker Dorfchronik. 1997

Footnoten[ännern | Bornkood ännern]

  1. http://www.denkmalprojekt.org/dkm_deutschland/winsen-scharmbeck_1813_1870-71_wk1u2_ns.htm
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 201
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 62
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 534
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 105
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 134
  7. Inwahnertallen op gemeindeverzeichnis.de
  8. a b c Inwahnertallen op verwaltungsgeschichte.de

Weblenken[ännern | Bornkood ännern]

Scharmbääk. Mehr Biller, Videos oder Audiodateien to’t Thema gifft dat bi Wikimedia Commons.