Bossel (Winsen)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Bossel

Bossel
Laag vun Bossel in Düütschland
Basisdaten
Bundsland: Neddersassen
Landkreis: Horborg
Gemeen: Winsen
Inwahners: 2.359 (2014-06-3030. Juni 2014)
Hööchd: 5 m över NN
Postleettall: 21423
Vörwahl: 04171
Geograafsche Laag:
Koordinaten:53° 21′ N, 10° 14′ O
53° 21′ N, 10° 14′ O

Bossel (hoochdüütsch Borstel) is en Dörp in de Gemeen Winsen in’n Landkreis Horborg, Neddersassen. De Oort billt binnen de Gemeen Winsen en Oortschop mit egen Oortsvörsteiher.

Geografie[ännern | Bornkood ännern]

De Oort liggt in de Neegd von de Masch von de Ilmenau (Ilmenaukanaal). Dat Water ut Bossel flütt af över de Riede un annere Gravens hen na’n Slüsengraven.

De Naveröörd sünd Nettelbarg un Lassrönn in’n Noorden, Tönnhusen, Hunnen un Mower in’n Noordoosten, Sangenstää in’n Oosten, Radbrouk in’n Süüdoosten, Luhdörp un Reidörp in’n Süüdwesten un Winsen in’n Noordwesten.

Historie[ännern | Bornkood ännern]

Bossel kummt 1158 toeerst in de Oorkunnen von dat Stift Bewick vör.

In’n Eersten Weltkrieg sünd 35 Soldaten ut Bossel fullen oder vermisst un in’n Tweten Weltkrieg 64.[1]

In dat 20. Johrhunnert is Bossel in’n Westen tohoopwussen mit Reidörp un Winsen.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Winsen in’n Kanton Winsen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Parrns in dat Amt Winsen tohöört. Blots in de Tied von 1852 bet 1859 weer de Oort kort in dat Amt Parrns. Na 1885 weer dat in’n Kreis Winsen un is 1932 Deel von’n Kreis Horborg worrn.

De Oort is an’n 1. Juli 1972 mit de Gemeenreform in Neddersassen Deel von de Gemeen Winsen worrn.

Inwahnertall[ännern | Bornkood ännern]

Johr Inwahners
1793-00-001793[2] 25 Füürsteden
1812-00-001812[3] 292
1824-00-001824[4] 25 Füürsteden
1848-00-001848[5] 388 Lüüd. 46 Hüüs
1871-12-011. Dezember 1871[6] 463 Lüüd. 59 Hüüs
1910-12-011. Dezember 1910[7] 655
1925-00-001925[8] 702
1933-00-001933[8] 762
1939-00-001939[8] 740
2014-06-3030. Juni 2014 2.359

Religion[ännern | Bornkood ännern]

Bossel is evangeelsch-luthersch präägt un höört to dat Kaspel von de Gertrud-Kark in Parrns.

För de Kathoolschen is de Goden-Hirt-Kark in Winsen tostännig.

De Karkhoff mit Karkhoffskapell för de beiden Dörper Bossel un Sangenstää is in de Johren 1950 anleggt worrn. 1957 is dor de eerste Persoon begraven worrn. Vörher sünd de Lüüd bi de Kark in Parrns begraven worrn.

Wapen[ännern | Bornkood ännern]

Dat Wapen von Bossel wiest op blauen Grund en gollen Neddersassenhuus mit rood Fackwark.

Oortsvörsteihers[ännern | Bornkood ännern]

  • opstunns: Martina Lau

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Bossel op’n Karkhoff.

Verenen[ännern | Bornkood ännern]

De Schüttenkameraadschop Bossel-Sangenstää is 1950 grünnt worrn un de Sportvereen MTV Bossel-Sangenstää 1910.

Weertschop un Infrastruktur[ännern | Bornkood ännern]

Bossel hett en egene freewillige Füürwehr, de 1896 grünnt worrn is.

Siet 2013 löppt de Eerdgas-Pieplien NEL an’n Süüdoostrand von Bossel langs.

Verkehr[ännern | Bornkood ännern]

Dör Bossel löppt de Kreisstraat 87 (fröher Deel von de Bundsstraat 4), de in’n Noordwesten na Winsen geiht un in’n Süüdoosten över Sangenstää un Rottörp un Handörp na Bewick un Lümborg. En Stück in’n Westen von dat Dörp warrt de K 87 krüüzt von de K 84, de in’n Noorden na de Landsstraat 217 geiht un in’n Süden na de K 78 bi Luhdörp.

De nächste Autobahn is de Autobahn 39 (Afsnidd HamborgLümborg). De Opfohrt 4 Winsen-Oost liggt so twee Kilometer in’n Süüdwesten von Bossel an de K 84.

De nächste Bahnhoff is so bi twee Kilometer wied weg in’n Westen de Bahnhoff Winsen an de Bahnlien Hamborg–Hannover.

Scholen[ännern | Bornkood ännern]

In dat Dörp gifft dat en Kinnergoorn, de von de evangeelsche Kark (Verband von de Evangeelsch-lutherschen Kitas in’n Karkenkreis Winsen) bedreven warrt, un de Grundschool Bossel.

Footnoten[ännern | Bornkood ännern]

  1. http://www.denkmalprojekt.org/dkm_deutschland/borstel.htm
  2. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 31: https://books.google.de/books?id=jN5QAAAAcAAJ&pg=RA1-PA31
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 62: http://books.google.de/books?id=Q 5OAAAAcAAJ&pg=PA62
  4. C. H. Jansen: Statistisches Handbuch des Königreichs Hannover. 1824, Sied 76: http://books.google.de/books?id=tG0AAAAAcAAJ&pg=RA1-PA76
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 104: http://books.google.de/books?id=eOI-AAAAcAAJ&pg=PA104
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132: https://books.google.de/books?id=qTZDAQAAMAAJ&pg=RA2-PA132
  7. http://www.gemeindeverzeichnis.de/gem1900/gem1900.htm?hannover/winsen.htm
  8. a b c http://www.verwaltungsgeschichte.de/harburg.html