Tönnhusen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 709 (30. Juni 2011) | |
| Hööchd: | 5 m över NN | |
| Postleettall: | 21423 | |
| Vörwahl: | 04179 | |
| Geograafsche Laag: | Koordinaten:53° 22′ N, 10° 16′ O53° 22′ N, 10° 16′ O | |
|
| ||
Tönnhusen (hoochdüütsch Tönnhausen) is en Dörp in de Gemeen Winsen in’n Landkreis Horborg, Neddersassen. De Oort billt binnen de Gemeen Winsen en Oortschop mit egen Oortsvörsteiher.
To Tönnhusen höört polietsch ok al von öllers Nettelbarg mit to.
Geografie
[ännern | Bornkood ännern]Tönnhusen höört to de Binnenmasch binnen de Elvmasch un an de Ilmenau. De Oord leeg fröher op dat Süüdöver von’n olen Loop von de Ilmenau. Nu liggt he över an dat Noordöver von dat ne’e Bedd.
De Naveröörd sünd Draag in’n Noorden, Krüms un Eekholt in’n Noordoosten, Hunnen in’n Oosten, Farnholt un Mower in’n Süüdoosten, Sangenstää in’n Süden, Bossel un Winsen in’n Süüdwesten, Nettelbarg in’n Westen un Lassrönn in’n Noordwesten.
Historie
[ännern | Bornkood ännern]Tönnhusen kummt 1412 toeerst in de Oorkunnen vör.
In de Franzosentied von 1810 bet 1814 hett de Oort to de Mairie Winsen in’n Kanton Winsen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Winsen tohöört. Na 1885 weer dat in’n Kreis Winsen. 1932 is dat Deel von’n Landkreis Horborg worrn.
De Oort is an’n 1. Juli 1972 mit de Gemeenreform in Neddersassen Deel von de Gemeen Winsen worrn.
In’n Eersten Weltkrieg sünd ölven Soldaten ut Tönnhusen fullen oder vermisst un in’n Tweten Weltkrieg 16[1].
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 15 Füürsteden |
| 1812[3] | 245 |
| 1824[4] | 26 Füürsteden |
| 1848[5] | 323 Lüüd, 30 Hüüs |
| 1. Dezember 1871[6] | 301 Lüüd, 33 Hüüs |
| 1. Dezember 1910[7] | 360 |
| 1925[8] | 315 |
| 1933[8] | 285 |
| 1939[8] | 284 |
Oortsvörsteihers
[ännern | Bornkood ännern]- -2006: Walter Stoffregen
- 2006-: Jörg Wolter
Religion
[ännern | Bornkood ännern]Tönnhusen is evangeelsch-luthersch präägt un höört to dat Kaspel von de Marien-Kark in Winsen. Fröher hett de Oort to dat Kaspel von de Marien-Kark in Handörp höört.
För de Kathoolschen is de Goden-Harder-Kark in Winsen tostännig.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Tönnhusen an de Hauptstraat.
Verenen
[ännern | Bornkood ännern]Tönnhusen hett en egene freewillige Füürwehr, de 1878 grünnt worrn is un mit en TSF utrüst is.
Brüük
[ännern | Bornkood ännern]De Faslamsbröder Tönnhusen fiert elk Johr an’t Wekenenn vör Rosenmaandag Faslam.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]An Tönnhusen langs löppt de Landsstraat 217, de in’n Noordoosten na Draag un an de Elv langs geiht un in’n Westen över Winsen bi Scharmbääk an de Autobahn 39 ran. Von de L 217 twiegt na Oosten de Kreisstraat 2 af, de dör dat Dörp Tönnhusen geiht un denn wieder na Hunn un O’rshusen. En lüttjere Straat gifft dat ans noch na Mower.
De nächste Autobahn is de Autobahn 39. De Opfohrt 4 Winsen-Oost liggt so söven Kilometer in’n Süüdoosten von Tönnhusen.
De nächste Bahnhoff is so bi söss Kilometer wied weg in’n Süüdwesten de Bahnhoff Winsen an de Bahnlien Hamborg–Hannover. Von 1912 bet 1966 harr Tönnhusen ok en egen Bahnhoff an de Bahnlien Winsen–Meschacht.
Scholen
[ännern | Bornkood ännern]Tönnhusen hett en egen Kinnergoorn. Dreger is dat Düütsche Rode Krüüz.
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/toennhausen.htm
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 229: https://books.google.de/books?id=jN5QAAAAcAAJ&pg=PA229
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 61: http://books.google.de/books?id=Q 5OAAAAcAAJ&pg=PA61
- ↑ C. H. Jansen: Statistisches Handbuch des Königreichs Hannover. 1824, Sied 602: http://books.google.de/books?id=tG0AAAAAcAAJ&pg=PA602
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 104: http://books.google.de/books?id=eOI-AAAAcAAJ&pg=PA104
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 135: https://books.google.de/books?id=qTZDAQAAMAAJ&pg=RA2-PA135
- ↑ http://www.gemeindeverzeichnis.de/gem1900/gem1900.htm?hannover/winsen.htm
- ↑ a b c http://www.verwaltungsgeschichte.de/harburg.html
_COA.svg)
Beborg | Bossel | Gehrden | Hoopt | Lassrönn | Luhdörp | Parrns | Rottörp | Reidörp | Sangenstää | Scharmbääk | Stöckt | Tönnhusen | Winsen