Behr AG

Vun Wikipedia
Zur Navigation springen Zur Suche springen

De Behr AG is en Ünnernehmen ut Ohlendörp, dat Grööntüüg anboot un verdrifft. De Rechtsform is en Aktiensellschop.

2014 harr dat Ünnernehmen en Ümsatz von 144,09 Milljonen Euro.[1] Den Vörstand billt Rudolf Behr un Christiane Behr, de Vörsitter von’n Opsichtsraad is Werner Albers (Stand Februar 2016).

Historie[ännern | Bornkood ännern]

1882 hett de Familie Behr anfungen, Bueree to drieven.[2] Noch in de Johren 1970 weer de Anbo op 12 Hektar begrenzt.[3]

In de Johren 1960 hett sik Behr spezialiseert op den Anbo von Grööntüüg un 1988 is de R. + C. Behr oHG grünnt worrn.[2] 1991 hett dat Ünnernehmen anfungen, in Gresse in Mekelborg-Vörpommern ok Grööntüüg antoboon.[2] In dat sülve Johr hebbt se Andelen an dat Ünnernehmen Agrar Systems S.A. in Spanien köfft.[2]

Dat Ünnernehmen hett sik 2003 de Rechtsform von en Aktiensellschop geven un 2006 hett de Anbo in Polen anfungen.[2]

2008 hett Behr för 13 Milljonen Euro en 11.000 Quadratmeter grote Köhl- un Logistikhall (7000 Quadratmeter Köhllager) in’ Süden von Ohlendörp boot[4] un 2011 dat Ünnernehmen Geißler Gemüsebau in Büttelborn övernahmen.[2]

Vondaag boot Behr op över 4000 Hektar Grööntüüg an (dorvon 1500 ha in Ohlendörp, 1500 ha in Gresse, 300 ha in Büttelborn).[5][6] 150 Hektar sünd Öko-Landbo.[6] In Polen un Spanien sünd dat noch maal 1200 Hektar.[6]

Footnoten[ännern | Bornkood ännern]

  1. http://de.statista.com/unternehmen/10451/behr-ag
  2. a b c d e f Historie der Behr AG
  3. Haspa: MittelstandAktuell Winter 2008, Sied 3
  4. Birgit Tiefenbach: Das Gemüse-Zentrum wächst, Hamburger Abendblatt an’n 28. März 2008
  5. Standorte der Behr AG
  6. a b c Portrait der Behr AG

Weblenken[ännern | Bornkood ännern]


Koordinaten:53° 21′ N, 10° 3′ O