Weid (Landkreis Horborg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21218 | |
| Vörwahl: | 04105 | |
| Geograafsche Laag: | Koordinaten:53° 25′ N, 9° 58′ O53° 25′ N, 9° 58′ O | |
|
| ||
Weid (hoochdüütsch Weide) is en lütten Oort in de Gemeen Seevdaal in’n Landkreis Horborg, Neddersassen. De Oort liggt direkt an de Grenz na’n Hambörger Stadtdeel Sinsdörp un höört polietsch al von öllers bi Bääkdörp mit bi.
Geografie
[ännern | Bornkood ännern]Dicht an Weid langs flütt de Engelbeek.
De Naveröörd sünd Sinsdörp in’n Noordoosten, Fleest in’n Süüdoosten, Wittenbarg in’n Süden, Wooxdörp in’n Süüdwesten, Bääkdörp in’n Westen un Lüra, Appelbüttel un Marmsdörp in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Mäkelfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Höpen in dat Amt Horborg tohöört. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.
De Oort is as Deel von de Gemeen Bääkdörp an’n 1. Juli 1972 mit de Gemeenreform in Neddersassen an de Gemeen Seevdaal kamen. Polietsch is nu de Oortschop Fleest/Glüsen/Bääkdörp/Metzendörp för Weid mit tostännig.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 1 Füürsteed |
| 1824[2] | 2 Füürsteden |
| 1848[3] | 8 Lüüd, 2 Hüüs |
| 1. Dezember 1871[4] | 7 Lüüd, 1 Huus |
Religion
[ännern | Bornkood ännern]Weid is evangeelsch-luthersch präägt un höört to dat Kaspel von de Kark in Sinsdörp.
För de Kathoolschen is de St.-Ansgar-Kark in Hittfeld tostännig, de siet 2014 Deel von de Karkengemeen Goden Hirt in Winsen is. De Oort hett fröher to de Karkengemeen St. Petrus in Bookholt tohöört. Nadem 1964 de St.-Ansgar-Kark in Hittfeld trech worrn is, is Weid 1965 Deel von de nu egenstännige Karkengemeen Hittfeld worrn. 1969 is in de Karkengemeen Hittfeld tosätzlich de St.-Altfrid-Kark in Mäkelfeld boot worrn.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Von Weid ut gifft dat Weeg an de Kreisstraten K 69 un K 80. De K 69 löppt von de K 80 na Süüdwesten dör Bääkdörp, Wooxdörp, Metzendörp un Tötsen. De K 80 löppt in’n Noordwesten bi Lüra na de Bundsstraat 75, de na Horborg geiht. In’n Oosten ennt de K 80 an de Winsener Straat, de in’n Süden as Landsstraat 213 na Hittfeld geiht un in’n Noorden dör Sinsdörp, Langenbeek un Wilsdörp na Horborg.
De nächste Autobahn is de Autobahn 7, de direkt in’n Oosten an’n Oort langsföhrt. De Opfohrt 35 Fleest liggt so twee Kilometer in’n Süüdoosten von Weid.
De nächste Bahnhoff is so bi dree Kilometer wied weg in’n Süden de Bahnhoff Hittfeld an de Bahnlien Hamborg–Bremen.
Footnoten
[ännern | Bornkood ännern]- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 248: https://books.google.de/books?id=jN5QAAAAcAAJ&pg=PA248
- ↑ C. H. Jansen: Statistisches Handbuch des Königreichs Hannover. 1824, Sied 646: http://books.google.de/books?id=tG0AAAAAcAAJ&pg=PA646
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128