Appelbüttel

Vun Wikipedia
Zur Navigation springen Zur Suche springen
Wapen/Flagg Koort

Wapen vun Appelbüttel

Appelbüttel
Laag vun Appelbüttel in Düütschland
Basisdaten
Bundsland: Hamborg
Bezirk: Horborg
Stadtdeel: Marmsdörp/Eißendörp
Inwahners:
Postleettall: 21077
Vörwahl: 040
Geograafsche Laag:
Koordinaten:53° 26′ N, 9° 56′ O
53° 26′ N, 9° 56′ O

Appelbüttel (hoochdüütsch Appelbüttel) is en lütten Oort in de Stadtdelen Marmsdörp un Eißendörp, Bezirk Horborg, Hamborg. De Oort höört polietsch al von öllers bi Marmsdörp mit bi.

Geografie[ännern | Bornkood ännern]

De Naveröörd sünd Eißendörp in’n Noordoosten, Marmsdörp in’n Oosten, Sinsdörp, Bääkdörp un Wooxdörp in’n Süüdoosten, Lüra in’n Süden, Sottörp un Vohrndörp in’n Süüdwesten un Ehstörp in’n Noordwesten.

Historie[ännern | Bornkood ännern]

De Oort kummt 1453 as Abelenbüttel toeerst in de Oorkunnen vör.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hittfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört. As de Franzosen an’n 29. März 1814 ut Horborg aftagen sünd, hebbt se de Öörd Marmsdörp, Appelbüttel un Lüra kumplett dalbrennt.

De Oort hett vör 1885 to de Vaagdie Höpen in dat Amt Horborg tohöört. Blots in de Tied von 1852 bet 1859 hett de Oort kort to dat Amt Hittfeld höört. De Oort weer do al Deel von de Gemeen Marmsdörp. Mit dat Groot-Hamborg-Gesett is Appelbüttel Deel von de Stadt Hamborg worrn.

Inwahnertall[ännern | Bornkood ännern]

Johr Inwahners
1793-00-001793[1] 2 Füürsteden
1812-00-001812[2] 20
1824-00-001824[3] 3 Füürsteden
1848-00-001848[4] 31 Lüüd. 3 Hüüs
1871-12-011. Dezember 1871[5] 22 Lüüd. 3 Hüüs

Religion[ännern | Bornkood ännern]

Appelbüttel is evangeelsch-luthersch präägt un höört to dat Kaspel von de Auferstehungskark in Marmsdörp. Fröher hett de Oort to de Kark in Sinsdörp tohöört.

För de Kathoolschen is de St.-Maria-Kark in Horborg tostännig. Disse Kark billt siet 2006 tohoop mit de Franz-Joseph-Kark in Wilstörp de Karkengemeen St. Maria-St. Joseph.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Appelbüttel liggt an de Bremer Straat, de toglieks de Bundsstraat 75 is. In’n Süden in Neddersassen geiht se in de Kreisstraat 85 över un löppt över Tötsen un Ninndörp na Bookholt. In’n Noordoosten löppt de Straat över Marmsdörp na Horborg un geiht dor in de Autobahn 253 över.

Glieks in Appelbüttel liggt de Opfohrt 34 Marmsdörp op de Autobahn 7. Nich mehr as een Kilometer in’n Süden von Appelbüttel bi Lüra liggt Opfohrt 2 Marmsdörp/Lüra op de Autobahn 261.

De nächste Bahnhoff is so bi fiev Kilometer wied weg in’n Noordoosten de Hauptbahnhoff Horborg an de Nedderelvbahn un de Bahnlien Hamborg–Hannover.

An’n 3. Juni 1930 is de Hambörger Stratenbahn-Lien 38 (von’n Bahnhoff Horborg) bet Appelbüttel verlängert worrn. De Lien hett an’n 5. Mai 1953 de ne’e Nummer 44 kregen. Disse Lien hett bet to’n 30. August 1954 bestahn. Na disse Tied is denn de Buslien 44 na Appelbüttel föhrt un dat hett dor keen Stratenbahnlien mehr geven.

Scholen[ännern | Bornkood ännern]

In dat 19. Johrhunnert sünd de Kinner ut Appelbüttel al op de Volksschool von Marmsdörp na School gahn. Ok vondaag gaht se noch in Marmsdörp na School.

Literatur[ännern | Bornkood ännern]

  • Herbert Schulz: Marmstorfer Chronik mit den Ortschaften Appelbüttel und Lürade. 2013

Footnoten[ännern | Bornkood ännern]

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 11: https://books.google.de/books?id=jN5QAAAAcAAJ&pg=RA1-PA11
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
  3. C. H. Jansen: Statistisches Handbuch des Königreichs Hannover. 1824, Sied 22: http://books.google.de/books?id=tG0AAAAAcAAJ&pg=RA1-PA22
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 129: https://books.google.de/books?id=qTZDAQAAMAAJ&pg=RA2-PA129