Heinrich Graf von Bernsdörp

Vun Wikipedia
Zur Navigation springen Zur Suche springen

Heinrich Eduard Eberhard Hieronymus Graf von Bernsdörp (* 24. April 1891 in Berlin; † 15. April 1935 in München) weer en düütschen Verwaltungsbeamten. He weer Liddmaat von DDP, DStP un NSDAP.

Graf von Bernsdörp is 1891 as Söhn von Augusta, borene von Hottinger (1860-1919), un Andreas von Bernsdörp (1844-1907) in Berlin boren. Sien öllsten Broder weer Albrecht Graf von Bernsdörp. He stammt ut de ole mekelbörgsche Familie von Bernsdörp, de Familiensitt weer op Stintenborg. Graf von Bernsdörp hett Juristeree studeert un is 1921 Regerungsassesser worrn. 1924 is he beurlaubt worrn un hett bi’n Holtarbeiderverband, bi’n ADGB un bi brietsche Gewerkschaften in London arbeidt. 1925 weer he denn kort Regerungsraad bi de Regerung in Sleswig. He hett von 1925 bet 1931 bi de Regerung in Lümborg arbeidt. 1926 is he dor Polizeidezernent worrn.

He is in’n April 1931 as Nafolger von Hans von Hoffmann Landraad von’n Kreis Horborg worrn. In’n Juli 1931 is he denn richtigen Landraad worrn. In siene Amtstied is de Kreis Horborg mit’n Kreis Winsen to’n ne’en Kreis Horborg tohoopslaten worrn. He is dor Landraad bleven bet April 1934. Denn is he einstweilig in’n Rohstand versett worrn un weer en Tied bi de Regerung in Wiesbaden. Sien Nafolger as Landraad weer Hans Waldow Ritzler.

In’t Vörjohr 1933 is he in de NSDAP ringahn.

He hett Ingeborg Christiansen (1904-1982) freet un mit ehr den Söhn Andreas Viktor von Bernsdörp (* 16. April 1929) hatt.