Eekstüüv

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Eekstüüv
Laag vun Eekstüüv in Düütschland
Basisdaten
Bundsland: Neddersassen
Landkreis: Horborg
Gemeen: Rosengoorn
Inwahners:
Postleettall: 21224
Vörwahl: 04105
Geograafsche Laag:
Koordinaten:53° 21′ N, 9° 55′ O
53° 21′ N, 9° 55′ O

Eekstüüv (hoochdüütsch Eickstüve) is en Dörp in de Gemeen Rosengoorn in’n Landkreis Horborg, Neddersassen. De Oort höört polietsch al von öllers bi Eekel mit bi.

Geografie[ännern | Bornkood ännern]

Eekstüüv liggt in’n Noordwesten von’t Klecker Holt.

De Naveröörd sünd Eekel, Nee-Eekel un Klecken in’n Noorden, Helmsdörp in’n Noordoosten, Harmsdörp un Bendsdörp in’n Oosten, Itzenbüttel un Oosterbarg in’n Süden, Reindörp un Bookholt in’n Süüdwesten un Büüns, Vaans un Dibbersen in’n Noordwesten.

Historie[ännern | Bornkood ännern]

Eekstüüv geiht trügg op en Schaperee, de Hartog Otto II. 1551 hett anleggen laten. Dor is 1708 de Peterssche Arventinshoff von worrn.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hittfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Landkreis Horborg worrn.

De Oort is as Deel von de Gemeen Eekel an’n 1. Juli 1972 mit de Gemeenreform in Neddersassen an de Gemeen Ninndörp kamen, de von 1973 af an denn Gemeen Rosengoorn heten hett. Eekstüüv höört to de Oortschop Eekel binnen de Gemeen Rosengoorn.

Inwahnertall[ännern | Bornkood ännern]

Johr Inwahners
1793-00-001793[2] 1 Füürsteed
1824-00-001824[3] 3 Füürsteden
1848-00-001848[4] 15 Lüüd. 2 Hüüs
1871-12-011. Dezember 1871[5] 14 Lüüd. 2 Hüüs

Religion[ännern | Bornkood ännern]

Eekstüüv is evangeelsch-luthersch präägt un höört to dat Kaspel von de Thomas-Kark in Klecken. Fröher hett dat to dat Kaspel von de Mauritius-Kark in Hittfeld höört.

För de Kathoolschen is de Petrus-Kark in Bookholt tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Eekstüüv is över lüttjere Straten verbunnen mit de Kreisstraat 13/61 in’n Westen bi Vaans. De K 13 löppt in’n Süden na Bookholt un in’n Noordwesten an de Bundsstraat 75 ran. In’n Noorden is Eekstüüv in Eekel mit de K 12 verbunnen, de in’n Noordwesten na Ninndörp löppt un in’n Süüdoosten na Bendsdörp an de Landsstraat 213. Von de K 12 geiht in Klecken na Noordoosten de K 39 af na Hittfeld.

De nächste Autobahn is de Autobahn 1. De Opfohrt 42 Dibbersen liggt so söss Kilometer in’n Noordwesten von Eekstüüv un de Opfohrt 41 Hittfeld so söven Kilometer in’n Noordoosten.

De nächste Bahnhoff is so bi dree Kilometer wied weg in’n Noorden de Bahnhoff Klecken an de Bahnlien Hamborg–Bremen.

Literatur[ännern | Bornkood ännern]

  • 750 Jahre Eckel. Eckel, Eickstüve 1219–1969. Chronik einer niedersächsischen Gemeinde aus dem Landkreis Harburg. 1969

Footnoten[ännern | Bornkood ännern]

  1. Wilhelm Marquardt: Rosengarten in alten Ansichten. Zaltbommel, ISBN 90-288-1885-5
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 65: https://books.google.de/books?id=jN5QAAAAcAAJ&pg=RA1-PA65
  3. C. H. Jansen: Statistisches Handbuch des Königreichs Hannover. 1824, Sied 160: http://books.google.de/books?id=tG0AAAAAcAAJ&pg=RA1-PA160
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128