Brillitermoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27442 | |
| Vörwahl: | 04763 | |
| Geograafsche Laag: | Koordinaten:53° 25′ N, 9° 1′ O53° 25′ N, 9° 1′ O | |
|
| ||
Brillitermoor (hoochdüütsch Brillitermoor) is en lütten Oort in de Gemeen Gnarrenborg in’n Landkreis Rodenborg, Neddersassen. Binnen de Gemeen höört de Oort to de polietsche Oortschop Brillit.
Geografie[ännern | Bornkood ännern]
De Oort liggt op’n Rand von dat Düvelsmoor na de Geest. Dat Water ut dat Rebeed flütt na’n Oost-Hamm-Kanaal hen af.
De Naveröörd sünd Öös in’n Noorden, Oosterweed un Fohrendaal in’n Noordoosten, Friedrichsdörp un Langenhusen in’n Oosten, Hasselhorst un Gnarrenborg (mit Geestdörp) in’n Süden, Rübehorst in’n Süüdwesten, Brillit in’n Westen un Franzhorn un Basdaal in’n Noordwesten.
Historie[ännern | Bornkood ännern]
De Siedlung in Brillitermoor is 1864 anleggt worrn.
Verwaltungsgeschicht[ännern | Bornkood ännern]
De Oort weer bet 1885 in dat Amt Bremervöör. Na 1885 weer dat in’n Kreis Bremervöör. 1932 is dat Deel von’n ne’en, grötteren Kreis Bremervöör worrn un 1977 von’n Landkreis Rodenborg.
De Oort höört al von öllers to de Gemeen Brillit. De Gemeen Brillit is an’n 1. März 1974 mit de Gemeenreform in Neddersassen an de Gemeen Gnarrenborg kamen. Sietdem höört Brillitermoor binnen de Gemeen Gnarrenborg to de Oortschop Brillit.
Religion[ännern | Bornkood ännern]
Brillitermoor is evangeelsch-luthersch präägt un höört to dat Kaspel von de Johannes-de-Döper-Kark in Karkwist.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Weertschop un Infrastruktur[ännern | Bornkood ännern]
För Brillitermoor is de freewillige Füürwehr Brillit mit tostännig.
Verkehr[ännern | Bornkood ännern]
Dat gifft dree Straten, de von Brillitermoor weg föhrt. Twee gaht in’n Noorden an de Kreisstraat 104 ran un de annere in’n Süüdwesten över Hasselhorst un Rübehorst na Gnarrenborg an de Landsstraat 122. De L 122 föhrt in’n Westen na Kuhs an de Bundsstraat 74 un in’n Süüdoosten na Korlshöben un wieder na Zeven. De K 104 löppt in’n Westen ok an de B 74 un in’n Oosten na de Düvelsmoor-Dörper. De B 74 geiht in’n Noordoosten över Basdaal na Bremervöör un Stood un in’n Süüdwesten över Wallhöben un Hambargen na Oosterholt-Scharmbeek, Hu’e un Bremen-Noord.
De nächste Autobahn is de Autobahn 27 (Afsnidd Bremen–Bremerhoben). De Opfohrt 9 Wulsdörp liggt so 29 Kilometer in’n Noordwesten von Brillitermoor an de B 71.
De nächste Bahnhoff is so bi 13 Kilometer wied weg in’n Noordoosten de Bahnhoff Bremervöör an de Bahnlien Bremerhoben–Buxthu. De Bahnhoff Stubben an de Bahnlien Bremen–Bremerhoben liggt 19 Kilometer in’n Westen. Op de Bahnlien Stood–Oosterholt-Scharmbeek hett dat von 1909 bet 1978 Personenverkehr geven. De Bahnhoff Brillit weer in düsse Tied keen Kilometer wied weg.
Scholen[ännern | Bornkood ännern]
De Kinner ut Brillitermoor gaht na de Grundschool Klenkendörper Möhl in Oosterweed.
Literatur[ännern | Bornkood ännern]
- Michael Ehrhardt: Brillit: Osterwede, Franzhorn, Rübehorst, Hasselhorst, Brillitermoor, die Geschichte des Dorfes und seiner Ortsteile. 1995