Franzhorn

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Franzhorn
Laag vun Franzhorn in Düütschland
Basisdaten
Bundsland: Neddersassen
Landkreis: Rodenborg
Gemeen: Gnarrenborg
Inwahners:
Postleettall: 27442
Vörwahl: 04763
Geograafsche Laag:
Koordinaten:53° 25′ N, 8° 59′ O
53° 25′ N, 8° 59′ O

Franzhorn (hoochdüütsch Franzhorn) is en Oort in de Gemeen Gnarrenborg in’n Landkreis Rodenborg, Neddersassen. De Oort höört polietsch bi Brillit mit bi.

Geografie[ännern | Bornkood ännern]

De Oort liggt op de Wersermünner Geest. In’n Westen liggt dat Holt Franzhorn. Dat Water ut dat Rebeed flütt in’n Westen na de Volkmarster Luun af na de Luun un in’n Oosten över den Fohrendörper Kanaal. Dat Rebeed billt dormit de Waterscheed twüschen Werser un Elv.

De Naveröörd sünd Basdaal in’n Noorden, Öös in’n Noordoosten, Fohrendaal in’n Oosten, Oosterweed un Brillitermoor in’n Süüdoosten, Brillit in’n Süden un Volkmarst in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Kuhs in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1851 to de Huusvaagdie Beverst in dat Gericht Beverst tohöört un denn von 1851 bet 1859 to dat Amt Beverst. 1859 is dat Amt Beverst oplööst worrn un de Oort keem an dat Amt Bremervöör. Na 1885 weer dat in’n Kreis Bremervöör, de 1932 mit’n Kreis Zeven to’n ne’en un grötteren Kreis Bremervöör tohoopgahn is. 1977 is de Oort Deel von’n Landkreis Cuxhoben worrn.

De Oort weer in dat 19. Johrhunnert en egen Gemeen, höört sietdem aver bi de Gemeen Brillit mit bi. De Gemeen Brillit is an’n 8. April 1974 bi de Gemeenreform in Neddersassen mit de Gemeen Gnarrenborg tohoopleggt worrn.

Inwahnertall[ännern | Bornkood ännern]

Johr Inwahners
1791-00-001791[1] 3 Füürsteden
1812-00-001812[2] 11
1824-00-001824[3] 3 Füürsteden
1848-00-001848[4] 19 Lüüd. 3 Hüüs
1871-12-011. Dezember 1871[5] 23 Lüüd. 3 Hüüs

Religion[ännern | Bornkood ännern]

Franzhorn is evangeelsch-luthersch präägt un höört to dat Kaspel Karkwist.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Bi Franzhorn dichtbi löppt de Bundsstraat 74 langs, de in’n Noordoosten bi Basdaal op de B 71 drippt un na Bremervöör geiht un in’n Süüdwesten över Kuhs na Oosterholt-Scharmbeek un Bremen-Noord. In’n Süden löppt de Franzhorner Straat na Brillit an de Kreisstraat 104, de in’n Oosten över Oosterweed na de Moordörper Fohrendaal, Klenkendörp un Friedrichsdörp geiht. Von de B 74 bi Brillit geiht en Straat na Noordwesten na Volkmarst af na de B 71, de von dor in’n Westen na Beverst un denn na Bremerhoben föhrt.

De nächste Autobahn is de Autobahn 27 (Afsnidd BremenBremerhoben). De Opfohrt 9 Wulsdörp liggt so 28 Kilometer in’n Noordwesten von Franzhorn an de B 71. De Opfohrt 48 Elsdörp op de Autobahn 1 (Afsnidd BremenHamborg) liggt 39 Kilometer in’n Süüdoosten.

De nächste Bahnhoff is so bi teihn Kilometer wied weg in’n Noorden de Bahnhoff Örel an de Bahnlien Bremerhoben–Buxthu. Op de Bahnlien Stood–Oosterholt-Scharmbeek hett dat von 1909 bet 1978 Personenverkehr geven. De Bahnhoff Brillit leeg in disse Tied dree Kilometer in’n Süüdoosten.

Scholen[ännern | Bornkood ännern]

De Kinner ut Franzhorn gaht na de Grundschool Klenkendörper Möhl in Oosterweed.

Literatur[ännern | Bornkood ännern]

  • Michael Ehrhardt: Brillit: Osterwede, Franzhorn, Rübehorst, Hasselhorst, Brillitermoor, die Geschichte des Dorfes und seiner Ortsteile. 1995

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 76
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 192
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 148
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144