Oosterweed (Landkreis Rodenborg)

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Oosterweed
Laag vun Oosterweed in Düütschland
Basisdaten
Bundsland: Neddersassen
Landkreis: Rodenborg
Gemeen: Gnarrenborg
Inwahners:
Postleettall: 27442
Vörwahl: 04763
Geograafsche Laag:
Koordinaten:53° 25′ N, 9° 2′ O
53° 25′ N, 9° 2′ O

Hoff Köster in Oosterweed

Oosterweed (hoochdüütsch Osterwede) is en Dörp in de Gemeen Gnarrenborg in’n Landkreis Rodenborg, Neddersassen.

Geografie[ännern | Bornkood ännern]

De Naveröörd sünd Öös in’n Noorden, Fohrendaal in’n Noordoosten, Klenkendörp in’n Oosten, Friedrichsdörp un Langenhusen in’n Süüdoosten, Gnarrenborg, Brillitermoor un Hasselhorst in’n Süüdwesten, Brillit in’n Westen un Basdaal in’n Noordwesten.

Historie[ännern | Bornkood ännern]

Gedenksteen 1000 Johr Oosterweed

Oosterweed kummt mööglicherwies an’n 17. März 986 as Ostanuuidi toeerst in en Oorkunn von König Otto III. vör, in de he dat Verhältnis twüschen dat Klooster Heeßel un dat Arzbisdom Bremen regelt.[1] Dat is aver ok mööglich, dat sik Ostanuuidi op Osterwe in de Gemeen Snevern betütt.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Kuhs in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1851 to dat Gericht Beverst tohöört, ut dat 1851 denn dat Amt Beverst worrn is. 1859 is de Oort an dat Amt Bremervöör kamen. Na 1885 weer dat in’n Kreis Bremervöör, de 1932 mit’n Kreis Zeven to’n ne’en un grötteren Kreis Bremervöör tohoopgahn is. 1977 is dat Deel von’n Landkreis Rodenborg worrn.

Inwahnertall[ännern | Bornkood ännern]

Johr Inwahners
1812-00-001812[2] 12
1824-00-001824[3] 3 Füürsteden
1848-00-001848[4] 21 Lüüd. 4 Hüüs

Religion[ännern | Bornkood ännern]

Oosterweed is evangeelsch-luthersch präägt un höört to dat Kaspel von de Christophorus-Kark in Öös. Vör 1891 hett de Oort noch to dat Kaspel von de Johannes-de-Döper-Kark in Karkwist höört.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

De Karkhoff von Oosterweed liggt an de Öser Straat.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Oosterweed liggt an de Kreisstraat 104, de in’n Oosten an de K 102 ran löppt un in’n Westen na Brillit un dor an de Bundsstraat 74 ran. In’n Noorden gifft dat noch en lüttjere Straat na Öös.

De nächste Autobahn is de Autobahn 27. De Opfohrt 9 Wulsdörp liggt so 30 Kilometer in’n Noordwesten von Oosterweed.

De nächste Bahnhoff is so bi twölv Kilometer wied weg in’n Noordoosten de Bahnhoff Bremervöör an de Bahnlien Bremerhoben–Buxthu.

Scholen[ännern | Bornkood ännern]

In Oosterweed liggt de Grundschool Klenkendörper Möhl.

Literatur[ännern | Bornkood ännern]

  • Festschrift 1000 Jahre Osterwede: 986–1986. 1986
  • Michael Ehrhardt: Brillit: Osterwede, Franzhorn, Rübehorst, Hasselhorst, Brillitermoor ; die Geschichte des Dorfes und seiner Ortsteile. 1995

Footnoten[ännern | Bornkood ännern]

  1. http://www.regesta-imperii.de/regesten/2-3-0-otto-iii/nr/0986-03-17_1_0_2_3_0_161_980.html
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 103: http://books.google.de/books?id=Q 5OAAAAcAAJ&pg=PA103
  3. C. H. Jansen: Statistisches Handbuch des Königreichs Hannover. 1824, Sied 474: http://books.google.de/books?id=tG0AAAAAcAAJ&pg=PA474
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 149: http://books.google.de/books?id=eOI-AAAAcAAJ&pg=PA149

Weblenken[ännern | Bornkood ännern]

Commons-logo.svg Oosterweed (Landkreis Rodenborg). Mehr Biller, Videos oder Audiodateien to’t Thema gifft dat bi Wikimedia Commons.