Geestdörp

Wapen/Flagg	Koort
Basisdaten
Bundsland: Neddersassen Landkreis: Rodenborg Gemeen: Gnarrenborg
Inwahners:
Postleettall:	27442
Vörwahl:	04763
Geograafsche Laag:	53° 23′ N, 9° 1′ O

Geestdörp (hoochdüütsch Geestdorf) is en Deel von de Gemeen Gnarrenborg in’n Landkreis Rodenborg, Neddersassen.

Geografie

Geestdörp liggt an’n Rand von dat Düvelsmoor. Na Noordwesten to liggt dat Eekholt.

De Naveröörd sünd Brillitermoor un Hasselhorst in’n Noorden, Friedrichsdörp un Langenhusen in’n Oosten, Barkhusen un Gnarrenborg in’n Süden, Messelskamp in’n Westen un Röövhorst in’n Noordwesten.

Historie

Geestdörp is 1785 as Stratendörp un Moorkolonie grünnt worrn.

Geestdörp weer vör 1885 in’t Amt Bremervöör, denn von 1885 bet 1977 in’n Kreis Bremervöör un is 1977 Deel von’n Landkreis Rodenborg worrn.

1904 is Geestdörp mit de Gemeen Gnarrenborg tohoopleggt worrn. Geestdörp weer to disse Tied dör de Glashütt Marienhütt, de 1846 grünnt worrn is, de gröttere Oord, liekers hett de tohoopleggt Gemeen den Naam Gnarrenborg kregen. 1976 hett de Glashütt dichtmaakt.

Inwahnertall

Johr	Inwahners
1824-00-001824	11 Füürsteden
1848-00-001848	63 Lüüd, 10 Hüüs
1895-00-001895	444

Religion

Geestdörp is evangeelsch-luthersch präägt un höört to dat Kaspel von de Pauluskark in Gnarrenborg.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur

Museums

In de ole Marienhütt is vondaag en Glasmuseum ünnerbröcht.

Weertschop un Infrastruktur

Verkehr

De nächste reguläre Bahnhoff is in Bremervöör. Von 1907 bet 1978 harr de Oort mit’n Bahnhoff Gnarrenborg en Bahnhoff an de Bahnlien von’n Moorexpress. De Moorexpress föhrt siet 2000 ok wedder, aver blots för den Tourismus.

Scholen

De Kinner ut Geestdörp gaht na de Grundschool Klenkendörper Möhl in Oosterweed.