Poggmöhlen

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Poggmöhlen
Laag vun Poggmöhlen in Düütschland
Basisdaten
Bundsland: Neddersassen
Landkreis: Rodenborg
Samtgemeen: Geestborn
Gemeen: Basdaal
Inwahners:
Postleettall: 27432
Vörwahl: 04766
Geograafsche Laag:
Koordinaten:53° 27′ N, 9° 2′ O
53° 27′ N, 9° 2′ O

Good Poggmöhlen
Ehmalig Buurnhuus in Poggmöhlen
Oold Schild von dat Börgermeesterbüro von de Gemeen Poggmöhlen ut de Tied vör 1929

Poggmöhlen (hoochdüütsch Poggemühlen) is en Dörp in de Gemeen Basdaal in’n Landkreis Rodenborg, Neddersassen.

Geografie[ännern | Bornkood ännern]

De Naveröörd sünd Barchel in’n Noorden, Örel un Tingo in’n Noordoosten, Sprekens in’n Oosten, Fohrendörp un Fohrendaal in’n Süüdoosten, Öös in’n Süden, Basdaal in’n Süüdwesten un de Hoff Kluust in’n Westen.

Historie[ännern | Bornkood ännern]

Poggmöhlen kummt 1340 as Pocgenmole toeerst in de Oorkunnen vör. De Möhl dor hett de Familie von Brobargen tohöört, de Besitt is denn aver an de Familie von Issendörp gahn. 1423 hett Christopher von Issendörp dat eerste Goodshuus boot. Dat hüdige Goodshuus in Poggmöhlen is 1585 boot worrn. De Möhl weer en Watermöhl an de Kluust.

An dat Enn von dat 17. Johrhunnert/Anfang dat 18. Johrhunnert sünd de von Issendörp utstorven un dat Good is an de Familie von Göben un later von Frese verköfft worrn. 1802 hett de ollnbörgsche Kamerraad tom Hove dat Good köfft. Dat Good is 1898 an Christopher Lührs ut Bokelah verköfft worrn. Den sien Söhn Carsten hett dat 1927 wedder an Kurt von Schwarzkopf verköfft. Dat Good warrt vondaag von Botho un Margarete von Schwarzkopf bedreven.

De Oort weer vör 1885 in’t Amt Bremervöör un von 1885 bet 1977 Deel von’n Kreis Bremervöör. 1977 is Poggmöhlen an’n Landkreis Rodenborg kamen.

Poggmöhlen is 1929 tohoop mit Öös Deel von de Gemeen Basdaal worrn. 1949 hett de Landdag dat denn aver wedder ophaven un de beiden Öörd hebbt tohoop en Gemeen billt. 1966 is de Samtgemeen Basdaal billt worrn, von de Öös-Poggmöhlen denn Deel weer. De harr blots bet 1971 Bestand, denn is de gröttere Samtgemeen Geestborn billt worrn, de 1974 noch wedder grötter worrn is. Bi disse Gemeenreform in Neddersassen to’n 1. März 1974 is Öös-Poggmöhlen Deel von de Gemeen Basdaal worrn.

Inwahnertall[ännern | Bornkood ännern]

Johr Inwahners
1824-00-001824[1] 10 Füürsteden
1848-00-001848[2] 45 Lüüd. 9 Hüüs
1910-12-011. Dezember 1910[3] 54

Religion[ännern | Bornkood ännern]

Poggmöhlen is evangeelsch-luthersch präägt un höört to dat Kaspel von de Christophorus-Kark in Öös. Bevör de Kark in Öös 1578 boot worrn is, weer de Oort Deel von dat Kaspel Örel.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Öös bi de Kark.

Verenen[ännern | Bornkood ännern]

Poggmöhlen hett mit Öös tohoop den Schützenvereen Öös-Poggmöhlen. Ok bi de Freewillige Füürwehr höört Poggmöhlen to Öös.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Poggmöhlen is över lüttjere Straten verbunnen mit Fohrendörp, Öös un Barchel. Över Öös hett de Oort bi Kluust Ansluss an de Bundsstraat 71/74, de in’n Noordoosten över Barchel, Örel un Glinn na Bremervöör geiht. In’n Süüdwesten loopt de Bundsstraten na Basdaal un trennt sik dor. De B 71 löppt över Beverst na Bremerhoben to un de B 74 över Oosterholt-Scharmbeek op’n Noorden von Bremen to.

De nächste Autobahn is de A 27 bi Bremerhoben, de so bi 30 Kilometer weg is. In Tokumst schall aver de A 20 an Bremervöör langslopen. De nächste Opfohrt schall denn von de Bundsstraat 495 op de A 20 ween, wat denn so bi acht Kilometer weg is.

De nächste Bahnhoff is de Bahnhoff Örel an de Bahnlien Bremerhoben–Buxthu, de so bi söss Kilometer in’n Noorden liggt.

Scholen[ännern | Bornkood ännern]

De Kinner ut Poggmöhlen gaht na Grundschool op de Hermann-von-Issendörp-School in Basdaal. Na de 4. Klass wesselt se för de Oberschool op de School Geestborn in Örel oder op dat Gymnasium Bremervöör.

Literatur[ännern | Bornkood ännern]

  • Martin Blanken, ‎Diedrich Hildebrandt: Basdahl mit Kluste, Oese, Poggemühlen und Volkmarst: die Geschichte der Dörfer, der Höfe und ihrer Familien. Volksbank Gnarrenborg, 1984

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 488: http://books.google.de/books?id=tG0AAAAAcAAJ&pg=PA488
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
  3. http://www.gemeindeverzeichnis.de/gem1900/gem1900.htm?hannover/bremervoerde.htm

Weblenken[ännern | Bornkood ännern]

Commons-logo.svg Poggmöhlen. Mehr Biller, Videos oder Audiodateien to’t Thema gifft dat bi Wikimedia Commons.