Mairie Gnarrenborg

Vun Wikipedia

De Mairie Gnarrenborg weer in de Franzosentied (1810 bet 1813) een von de fiev Mairien, in de de Kanton Beverst indeelt weer. De Seet weer in Gnarrenborg. Se harr 989 Inwahners.[1]

Historie[ännern | Bornkood ännern]

De Ümgegend von Gnarrenborg hett vör de Franzosentied to de Vaagdie Gnarrenborg von dat Amt Bremervöör un de Vaagdie Hambargen von dat Amt Oosterholt in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Gnarrenborg een von de acht Mairien in’n Kanton Bremervöör von’n Distrikt Bremervöör, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Gnarrenborg weer nu een von de fiev Mairien in’n Kanton Beverst, Distrikt Bremerleh, Departement von de Wersermünnen. De Mairie weer nu wat grötter, dor sünd Öörd in tohoopfaat worrn, de vörher in Westfalen to twee Mairien höört harrn: de Mairie Gnarrenborg ut’n Kanton Bremervöör un de Mairie Glinst ut’n Kanton Hanst. Von de Mairie Glinst sünd de beiden Öörd Noordsood un Oostersood an de Mairie Gnarrenborg kamen. De annern Öörd güngen an de Mairie Karktimk.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd Deel von de Gemenen Gnarrenborg un Worpsweed.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 103
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 18