Kolheim
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27442 | |
| Vörwahl: | 04148 | |
| Geograafsche Laag: | Koordinaten:53° 21′ N, 8° 60′ O53° 21′ N, 8° 60′ O | |
|
| ||
Kolheim (hoochdüütsch Kolheim) is en Dörp in de Gemeen Gnarrenborg in’n Landkreis Rodenborg, Neddersassen.
Geografie
[ännern | Bornkood ännern]Kolheim liggt as Stratendörp an’t Westöver von’n Oost-Hamm-Kanaal in’t Düvelsmoor mit Findörp op de anner Kanaalsied.
De Naveröörd sünd Dahldörp un Gnarrenborg in’n Noorden, Barkhusen, Langenhusen un Friedrichsdörp in’n Noordoosten, Korlshöben in’n Oosten, Noordsood in’n Süden un Kuustermoor in’n Süüdwesten.
Historie
[ännern | Bornkood ännern]Kolheim is 1781 an’t Westöver von’n Oost-Hamm-Kanaal as een von Jürgen Christian Findörp sien Moorkolonien grünnt worrn. Dat Oostöver is 1781 as egen Kolonie Findörp grünnt worrn.
Kolheim un Findörp sünd denn an’n 1. April 1929 to een Gemeen tohoopleggt worrn, de denn den Naam Findörp dragen hett.
An’n 8. April 1974 is Findörp bi de Gemeenreform in Neddersassen mit de Gemeen Gnarrenborg tohoopleggt worrn.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 15 Füürsteden |
| 1848[2] | 284 Lüüd, 39 Hüüs |
| 1. Dezember 1910[3] | 134 |
Religion
[ännern | Bornkood ännern]Kolheim is evangeelsch-luthersch präägt un höört to dat Kaspel Gnarrenborg.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Kultur
[ännern | Bornkood ännern]Verenen
[ännern | Bornkood ännern]De Schütten von Kolheim doot in’n Schüttenvereen Findörp-Kolheim scheten.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Kolheim liggt an de Kolheimer Straat, de över en Reeg Brüggen mit de Kreisstraat 102 op de anner Sied von’n Kanaal verbunnen is, de in’n Noorden na Barkhusen, Langenhusen un Bremervöör geiht un den Oort in’n Süden mit Noordsood verbinnen deit un dor an de L 165 ranlöppt. Na Noordwesten geiht de Dahldörper Straat na Dahldörp.
De nächste Bahnhoff is de Bahnhoff Olenbüttel an de Bahnlien Bremen–Bremerhoben in’n Süüdwesten, de so 19 Kilometer weg is. Jüstso wied weg in’n Noordoosten is de Bahnhoff Bremervöör an de Bahnlien Bremerhoben–Buxthu.
Footnoten
[ännern | Bornkood ännern]- ↑ C. H. Jansen: Statistisches Handbuch des Königreichs Hannover. 1824, Sied 340: http://books.google.de/books?id=tG0AAAAAcAAJ&pg=PA340
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm