Evernhusen

Vun Wikipedia
Zur Navigation springen Zur Suche springen
Wapen/Flagg Koort

Wapen vun Evernhusen

Evernhusen
Laag vun Evernhusen in Düütschland
Basisdaten
Bundsland: Neddersassen
Landkreis: Rodenborg
Samtgemeen: Söttmer
Gemeen: Söttmer
Inwahners:
Postleettall: 27367
Vörwahl: 04264
Geograafsche Laag:
Koordinaten:53° 5′ N, 9° 11′ O
53° 5′ N, 9° 11′ O

Evernhusen (hoochdüütsch Everinghausen) is en Dörp in de Gemeen Söttmer in’n Landkreis Rodenborg, Neddersassen.

Bi Evernhusen höört von öllers ok de Hoff Dodenbarg mit bi.

Geografie[ännern | Bornkood ännern]

Evernhusen liggt dicht bi de Münn von’n Reithbeek in de Wümm. In’n Oosten sünd de Naturschuulrebeden Vossbargen un Fährhoff.

De Naveröörd sünd Hemelbarg in’n Noorden, Stuckenbossel, de Barkhoff un Söttmer in’n Noordoosten, Fährhoff in’n Oosten, Hellweeg in’n Süüdoosten, Wümmingen un Postdörp in’n Süden un Dodenbarg un Otterbarg-Bahnhoff in’n Noordwesten (de letzten dree in’n Landkreis Veern).

Historie[ännern | Bornkood ännern]

Verwaltungsgeschicht[ännern | Bornkood ännern]

Vör 1885 leeg Evernhusen in’t Amt Rodenborg un na 1885 in’n Kreis Rodenborg, de 1977 denn Deel von’n hüdigen Landkreis Rodenborg worrn is.

1969 hett Evernhusen sik de Samtgemeen Söttmer anslaten. An’n 1. März 1974 is de Gemeen Evernhusen Deel von de Gemeen Söttmer worrn.

Inwahnertall[ännern | Bornkood ännern]

Johr Inwahners
1824-00-001824[1] 5 Füürsteden
1848-00-001848[2] 42 Lüüd. 8 Hüüs
1910-12-011. Dezember 1910[3] 42
1925-00-001925[4] 45
1933-00-001933[4] 41
1939-00-001939[4] 88

Religion[ännern | Bornkood ännern]

Evernhusen is evangeelsch-luthersch präägt un höört to de Georg-Kark in Söttmer.

För de Kathoolschen is de Corpus-Christi-Kark in Rodenborg tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Von Evernhusen geiht de Kreisstraat 237 na Söttmer in’n Noordoosten. En lüttjere Straat geiht ans noch na Dodenbarg un Hemelbarg. Över de Raststeed Grundbargsee, de 500 m von’n Oort af in’n Noorden liggt, is de Oort an de Autobahn 1 (Afsnidd HamborgBremen) anslaten. Na Süden hen is de Oort ans dör de Wümm von’n Verkehr afsperrt.

De nächsten Bahnhööv sünd de Bahnhööv Söttmer un Otterbarg an de Bahnlien Bremen–Hamborg.

Scholen[ännern | Bornkood ännern]

De Kinner ut Evernhusen gaht na de Grundschool Söttmer. Fröher harr de Oort en egen Volksschool, de toeerst in’n Schuppen von Buur Stührmann ünnerbrocht weer un von 1909 af an in en egen Schoolhuus. Aver in de Johren 1930 hett dat denn blots noch en Handvull Schölers geven, 1935 weren dat man noch twee Schölers. Dorüm is de School to’n 1. April 1937 dichtmaakt worrn. De Evernhüser Kinner sünd op de Volksschool in Stuckenbossel wesselt. De is 1975 en Butensteed von de Grundschool Söttmer worrn un hett in de Johren 1980 ganz dichtmaakt. Sietdem mööt de Kinner ut Evernhusen in Söttmer na School.

Na de 4. Klass wesselt de Kinner op de Oberschool Söttmer oder op dat Gymnasium Söttmer.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 178: http://books.google.de/books?id=tG0AAAAAcAAJ&pg=PA178
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 154: http://books.google.de/books?id=eOI-AAAAcAAJ&pg=PA154
  3. http://www.gemeindeverzeichnis.de/gem1900/gem1900.htm?hannover/rotenburg.htm
  4. a b c http://www.verwaltungsgeschichte.de/rotenburg.html