Barkhoff (Landkreis Rodenborg)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Barkhoff
Laag vun Barkhoff in Düütschland
Basisdaten
Bundsland: Neddersassen
Landkreis: Rodenborg
Samtgemeen: Söttmer
Gemeen: Söttmer
Inwahners:
Postleettall: 27367
Vörwahl: 04264
Geograafsche Laag:
Koordinaten:53° 6′ N, 9° 13′ O
53° 6′ N, 9° 13′ O

De Barkhoff (hoochdüütsch Barkhof) is en Hoff in de Gemeen Söttmer (Samtgemeen Söttmer) in’n Landkreis Rodenborg, Neddersassen. De Oort höört polietsch al von öllers bi Groot Söttmer mit bi.

Geografie[ännern | Bornkood ännern]

De Hoff liggt op dat Süüdöver von de Wiest op’n Rand von de Geest hen na dat Daal von de Wiest.

De Naveröörd sünd Reeßen in’n Noorden, Söttmer in’n Noordoosten, Fährhoff un Hellweeg in’n Süüdoosten, Evernhusen un Hemelbarg in’n Süüdwesten un Stuckenbossel in’n Westen.

Historie[ännern | Bornkood ännern]

In de öllsten Oorkunnen ut de Tied üm 1320 kummt de Hoff as Berchoff vör un weer de Verwalterhoff von en egene Villikatschoon.[1]

De Hoff hett bet 1650 de Familie Schumacker tohöört.[1] As de eenzige Söhn von de Familie in’n Dörtigjohrigen Krieg doodbleven is, is de Hoff an de Dochter Margreta Schumacker gahn, de Gerdt Lohmann freet hett.[1] Sietdem höört de Hoff bet vondaag de Familie Lohmann to, de över lange Tieden Meiers weren.[1]

In Andreas von Mandelslo sien Registrum ecclesiae Verdensis ut dat 16. Johrhunnert kummt de Barkhoff as Meierhoff un Haupthoff von de Villikatschoon vör.[1] De Hööv in Reeßen, Waaschen, Brockhoff, Hellweeg un Seedörp weren von’n Barkhoff afhängig.[1]

An’n 2. Februar 1820 is de Hoff ünner Johan Ditrich Lohmann afbrennt, aver noch in dat sülve Johr wedder opboot worrn.[1] Eerst mit dat Aflösungsgesett ut dat 19. Johrhunnert is de Familie Lohmann Besitter von’n Hoff worrn un hett de olen Meierrechten utlööst.[1]

Ok en Watermöhl hett bet in dat 20. Johrhunnert to’n Hoff tohöört.[1]

In dat Johr 2001 harr de Hoff en Grött von 80 Hektar un hett mit 50 Keih Melk produzeert un Rinnertucht bedreven.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Horß in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Söttmer in dat Amt Rodenborg tohöört. Na 1885 weer dat in’n Kreis Rodenborg. 1977 is dat Deel von’n ne’en un grötteren Landkreis Rodenborg worrn.

De Oort is as Deel von de Gemeen Söttmer an’n 1. März 1974 mit de Gemeenreform in Neddersassen an de ne’e un gröttere Gemeen Söttmer kamen.

Inwahnertall[ännern | Bornkood ännern]

Johr Inwahners
1812-00-001812[2] 14
1824-00-001824[3] 1 Füürsteed
1848-00-001848[4] 8 Lüüd. 1 Huus
1871-12-011. Dezember 1871[5] 8 Lüüd. 1 Huus

Religion[ännern | Bornkood ännern]

De Barkhoff is evangeelsch-luthersch präägt un höört to dat Kaspel von de Georg-Kark in Söttmer.

För de Kathoolschen is de Corpus-Christi-Kark in Rodenborg tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De Barkhoff liggt an en lüttje Blangenstraat von de Bundsstraat 75, de in’n Westen över Söttmer na Rodenborg geiht un in’n Westen in de Landsstraat 168 övergeiht, de över Stuckenbossel na Otterbarg föhrt. In’n Süden geiht de Kreisstraat 205 na Hellweeg un in’n Süüdwesten de K 237 na Evernhusen.

De nächste Autobahn is de Autobahn 1 (Afsnidd HamborgBremen). De Opfohrt 50 Stuckenbossel liggt een Kilometer in’n Noordwesten von’n Barkhoff an de B 75.

De nächste Bahnhoff is so bi veer Kilometer wied weg in’n Süüdoosten de Bahnhoff Söttmer an de Bahnlien Hamborg–Bremen.

Scholen[ännern | Bornkood ännern]

De Kinner ut Barkhoff gaht na de Grundschool Söttmer. Na de 4. Klass wesselt se op de Oberschool Söttmer oder op dat Gymnasium Söttmer.

Footnoten[ännern | Bornkood ännern]

  1. a b c d e f g h i j Barkhof: alt und geschichtsträchtig, Rotenburger Rundschau an’n 20. Dezember 2001
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 38
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 169