Wümmingen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28870 | |
| Vörwahl: | 04297 | |
| Geograafsche Laag: | Koordinaten:53° 5′ N, 9° 10′ O53° 5′ N, 9° 10′ O | |
|
| ||
Wümmingen (hoochdüütsch Wümmingen) is en Dörp in de Gemeen Otterbarg in’n Landkreis Veern, Neddersassen. Binnen de Gemeen Otterbarg höört de Oort to de polietsche Oortschop Posthusen.
Geografie
[ännern | Bornkood ännern]De Oort liggt in dat Hellweger Moor. Dat Water ut dat Rebeed warrt över Gravens na de Wümm hen afföhrt. In’n Noordwesten liggt dat Naturschuulrebeed Otterbarger Moor.
De Naveröörd sünd Otterbarg in’n Noorden, Stuckenbossel, Dodenbarg un Evernhusen in’n Noordoosten, Fährhoff un Hellweeg in’n Oosten, Stell in’n Süüdoosten, Postdörp, Hintzendörp, Stellsfellen, Rootlook un Middeldörp in’n Süden, Tüchten in’n Süüdwesten un Brammer, Kaßhoope, Hoffstall, Egypten un Nadah in’n Westen.
Historie
[ännern | Bornkood ännern]De Oort is 1792 as Moorkolonie in dat Hellweger Moor grünnt worrn.
In’n Eersten Weltkrieg sünd 21 Soldaten ut Wümmingen fullen oder vermisst un in’n Tweten Weltkrieg 33.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Karkwals in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Amtsvaagdie Ahusen (Ünnervaagdie Hintzendörp) in dat Amt Rodenborg tohöört un denn von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.
De Oort hett fröher mit Middeldörp, Postdörp un Rootlook en egen Gemeen billt, de sik an’n 1. Juli 1968 mit dree annere Gemenen to de Gemeen Posthusen tohoopslaten hett. De Gemeen Posthusen wedder is an’n 1. Juli 1972 mit de Gemeenreform in Neddersassen Deel von de Gemeen Otterbarg worrn. Sietdem billt Posthusen binnen de Gemeen Otterbarg en Oortschop.
Inwahnertall
[ännern | Bornkood ännern]| Johr | Inwahners |
|---|---|
| 1812[2] | 75 |
| 1824[3] | 11 Füürsteden |
| 1848[4] | 87 Lüüd, 13 Hüüs |
| 1. Dezember 1871[5] | 91 Lüüd, 16 Hüüs |
| 1. Dezember 1885[6] | 86 Lüüd, 15 Hüüs |
| 1. Dezember 1905[7] | 89 Lüüd, 16 Hüüs |
| 1. Dezember 1910[8] | 364* |
| 1925[9] | 330* |
| 1933[9] | 310* |
| 1939[9] | 352* |
- * tohoop mit Middeldörp, Posthusen un Rootlook
Religion
[ännern | Bornkood ännern]Wümmingen is evangeelsch-luthersch präägt un höört to dat Kaspel von de Lukas-Kark in Postdörp. Düsse Kark is 1852 nee boot worrn. Vörher hett de Oort to dat Kaspel von de Marien-Kark in Ahusen tohöört.
För de Kathoolschen is de St.-Matthias-Kark in Achem tostännig.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Postdörp bi de Kark.
Weertschop un Infrastruktur
[ännern | Bornkood ännern]För Wümmingen is de freewillige Füürwehr Posthusen mit tostännig.
Verkehr
[ännern | Bornkood ännern]Dör Wümmingen löppt de Landsstraat 155, de in’n Noordwesten na Otterbarg an de L 168 ran geiht un in’n Süüdoosten över de Dörper Postdörp, Hintzendörp, Stellsfellen un Allerdörp na Völkersen un Nindörp. Von de L 155 na Oosten geiht de Kreisstraat 26 (in’n Landkreis Rodenborg denn K 234) na Hellweeg.
De nächste Autobahn is de Autobahn 1 (Afsnidd Hamborg–Bremen). De Opfohrt 51 Posthusen liggt direkt an’n Noordrand von Wümmingen an de L 155.
De nächste Bahnhoff is so bi dree Kilometer wied weg in’n Noordwesten de Bahnhoff Otterbarg an de Bahnlien Hamborg–Bremen.
Scholen
[ännern | Bornkood ännern]Fröher güngen de Kinner ut Wümmingen in Rootlook na School. Vondaag gaht se na de Grundschool Posthusen. Na de 4. Klass wesselt se in de Regel op de Oberschool Wümmschool in Otterbarg oder op dat Gymnasium Otterbarg.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 98
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 684
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 167
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de