Middeldörp

Vun Wikipedia
Wapen/Flagg Koort
hett keen Wapen
Middeldörp
Laag vun Middeldörp in Düütschland
Basisdaten
Bundsland: Neddersassen
Landkreis: Veern
Gemeen: Otterbarg
Inwahners:
Postleettall: 28870
Vörwahl: 04297
Geograafsche Laag:
Koordinaten:53° 3′ N, 9° 10′ O
53° 3′ N, 9° 10′ O

Karte

Middeldörp (hoochdüütsch Mitteldorf) is en Dörp in de Gemeen Otterbarg in’n Landkreis Veern, Neddersassen. De Oort höört polietsch to de Oortschop Posthusen binnen de Gemeen Otterbarg.

Geografie[ännern | Bornkood ännern]

De Oort liggt in dat Hellweger Moor. Dat Water ut dat Rebeed warrt över Gravens na de Wümm hen afföhrt.

De Naveröörd sünd Rootlook un Otterbarg in’n Noorden, Wümmingen in’n Noordoosten, Postdörp un Stell in’n Oosten, Hintzendörp un Stellsfellen in’n Süüdoosten, Grasdörp in’n Süden, Schanzendörp un Giersdörp in’n Süüdwesten, Bassen in’n Westen un Brammer in’n Noordwesten.

Historie[ännern | Bornkood ännern]

Middeldörp is in de Tied na 1792 as Moorkolonie in dat Hellweger Moor grünnt worrn. Polietsch hett dat jümmer to Wümmingen tohöört.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Karkwals in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Amtsvaagdie Ahusen (Ünnervaagdie Hintzendörp) in dat Amt Rodenborg un 1852 bet 1885 to dat Amt Achem tohöört. Na 1885 weer dat in’n Kreis Achem. 1932 is dat Deel von’n Kreis Veern worrn.

De Oort hett fröher mit Postdörp, Rootlook un Wümmingen de Gemeen Wümmingen billt, de sik an’n 1. Juli 1968 mit dree annere Gemenen to de Gemeen Posthusen tohoopslaten hett. De Gemeen Posthusen wedder is an’n 1. Juli 1972 mit de Gemeenreform in Neddersassen Deel von de Gemeen Otterbarg worrn. Sietdem billt Posthusen binnen de Gemeen Otterbarg en Oortschop.

Inwahnertall[ännern | Bornkood ännern]

Johr Inwahners
1812-00-001812[1] 49
1824-00-001824[2] 7 Füürsteden
1848-00-001848[3] 52 Lüüd, 9 Hüüs
1871-12-011. Dezember 1871[4] 63 Lüüd, 11 Hüüs
1885-12-011. Dezember 1885[5] 62 Lüüd, 10 Hüüs
1905-12-011. Dezember 1905[6] 65 Lüüd, 11 Hüüs

Religion[ännern | Bornkood ännern]

Middeldörp is evangeelsch-luthersch präägt un höört to dat Kaspel von de Lukas-Kark in Postdörp. Düsse Kark is 1852 nee grünnt worrn. Vörher hett de Oort to dat Kaspel von de Marien-Kark in Ahusen höört.

För de Kathoolschen is de St.-Matthias-Kark in Achem tostännig.

Kultur[ännern | Bornkood ännern]

Verenen[ännern | Bornkood ännern]

Bi’n Scheetsport maakt de Lüüd ut Middeldörp bi’n Schüttenvereen Postdörp von 1921 mit.

Weertschop un Infrastruktur[ännern | Bornkood ännern]

För Middeldörp is de freewillige Füürwehr Postdörp mit tostännig.

Direkt bi Middeldörp liggt dat Inkoopzentrum Dodenhof.

Verkehr[ännern | Bornkood ännern]

Dör Middeldörp löppt de Kreisstraat 5, de in’n Oosten an de Landsstraat 155 ran geiht un in’n Süüdwesten na Giersdörp.

De nächste Autobahn is de Autobahn 1 (Afsnidd HamborgBremen). De Opfohrt 51 Posthusen liggt so veer Kilometer in’n Noorden von Middeldörp.

De nächste Bahnhoff is so bi söss Kilometer wied weg in’n Noorden de Bahnhoff Otterbarg an de Bahnlien Hamborg–Bremen.

Scholen[ännern | Bornkood ännern]

Fröher güngen de Kinner ut Middeldörp in Rootlook na de Volksschool. Vondaag gaht se na de Grundschool Posthusen. Na de 4. Klass wesselt se in de Regel op de Oberschool Wümmschool in Otterbarg oder op dat Gymnasium Otterbarg.

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 98
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 410
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 167
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 3