Nadah

Vun Wikipedia
Zur Navigation springen Zur Suche springen
Wapen/Flagg Koort

Wapen vun Nadah

Nadah
Laag vun Nadah in Düütschland
Basisdaten
Bundsland: Neddersassen
Landkreis: Veern
Gemeen: Eiten
Inwahners:
Postleettall: 28876
Vörwahl: 04205
Geograafsche Laag:
Koordinaten:53° 5′ N, 9° 7′ O
53° 5′ N, 9° 7′ O

Nadah (hoochdüütsch Nadah) is en lütten Oort in de Gemeen Eiten in’n Landkreis Veern, Neddersassen. Binnen de Gemeen Eiten höört de Oort to de polietsche Oortschop Bassen.

Geografie[ännern | Bornkood ännern]

De Oort liggt op’n Rand von de Achem-Veerner Geest hen na dat Moor langs de Wümm. Dat Water ut dat Rebeed flütt över Gravens na de Wümm hen af. Na Oosten liggt dat Otterbarger Moor, dat deelwies ok as Naturschuulrebeed Otterbarger Moor schuult is.

De Naveröörd sünd Kamp in’n Noorden, Otterbarg-Bahnhoff in’n Noordoosten, Wümmingen un Rootlook in’n Süüdoosten, Egypten, Hoffstall, Kasshoope un Brammer in’n Süden, Brillkamp un Bassen in’n Süüdwesten, Bre’enmoor in’n Westen un Baaksbarg un de Hu’er Breednau in’n Noordwesten.

Historie[ännern | Bornkood ännern]

Bet in dat 19. Johrhunnert weer Nadah en eenstelligen Hoff.

Dat Ünnernehmen Borgward müss in de Johren von’n Tweten Weltkrieg Fohrtüüg för den Krieg herstellen. Üm de Fabriken vör Flegerangreep to schulen, is de Motorenprodukschoon in’n Winter 1943/1944 in en Wark in’t Holt bi Nadah utlagert worrn. Düt Lager is Butenwark Otterbarg nöömt worrn un harr söss Warkhallen. Dor hebbt veel Kriegsfungene un Dwangsarbeiders arbeidt. Dat Wark is bet to’n 24. April 1945 bedreven worrn, as dat Rebeed von brietsche Truppen innahmen worrn is. Na’n Krieg is de kumplette Anlaag afreten worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Achem in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Oostvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.

De Oort hett von öllers bi de Gemeen Bassen mit bihöört. De Gemeen Bassen is an’n 1. Juli 1972 mit de Gemeenreform in Neddersassen Deel von de Gemeen Eiten worrn.

Inwahnertall[ännern | Bornkood ännern]

Johr Inwahners
1812-00-001812[1] 4
1848-00-001848[2] 12 Lüüd. 2 Hüüs
1871-12-011. Dezember 1871[3] 25 Lüüd. 5 Hüüs
1885-12-011. Dezember 1885[4] 31 Lüüd. 6 Hüüs
1905-12-011. Dezember 1905[5] 36 Lüüd. 8 Hüüs

Religion[ännern | Bornkood ännern]

Nadah is evangeelsch-luthersch präägt un höört to dat Kaspel von de Petrus-Kark in Eiten. Düsse Kark is 1861 boot worrn. Vörher hett de Oort to dat Kaspel von de Laurentius-Kark in Achem tohöört.

För de Kathoolschen is de St.-Matthias-Kark in Achem tostännig.

Weertschop un Infrastruktur[ännern | Bornkood ännern]

För Nadah is de freewillige Füürwehr Bassen mit tostännig.

Verkehr[ännern | Bornkood ännern]

Dör Nadah löppt de Landsstraat 168, de in’n Noordoosten na Otterbarg un Söttmer geiht un in’n Süüdwesten över Bassen un Eiten na de Bremer Oortsdelen Oosterholt un Hemeln. Von de L 168 geiht in Bassen in’n Süden de L 156 na Achem af. Bi Otterbarg-Bahnhoff geiht von de L 168 de L 155 af, de op Langwedel un Veern to löppt.

De nächste Autobahn is de Autobahn 1 (Afsnidd BremenHamborg), de twee Kilometer in’n Süüdoosten von’n Oort langslöppt. De Opfohrt 51 Posthusen liggt so fiev Kilometer in’n Süüdoosten von Nadah an de L 155.

De nächste Bahnhoff is so bi twee Kilometer wied weg in’n Noordoosten de Bahnhoff Otterbarg an de Bahnlien Hamborg–Bremen.

Scholen[ännern | Bornkood ännern]

De Kinner ut Nadah gaht na de Grundschool Bassen. Ok ganz fröher al sünd de Kinner in Bassen na de Volksschool gahn.

Literatur[ännern | Bornkood ännern]

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2