Kamp (Gemeen Otterbarg)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Kamp
Laag vun Kamp in Düütschland
Basisdaten
Bundsland: Neddersassen
Landkreis: Veern
Gemeen: Otterbarg
Inwahners:
Postleettall: 28870
Vörwahl: 04205
Geograafsche Laag:
Koordinaten:53° 7′ N, 9° 7′ O
53° 7′ N, 9° 7′ O

Kamp (hoochdüütsch Kampe) is en Dörp in de Gemeen Otterbarg in’n Landkreis Veern, Neddersassen.

Geografie[ännern | Bornkood ännern]

De Oort liggt op’n Rand von de Geest hen na de Maschen von de Wümm. Dör Kamp flütt de Schepermoorgraven, de hunnert Meter in’n Westen von dat Dörp in de Wall münnt. De Wall münnt denn 500 Meter in’n Süüdwesten von dat Dörp ok in’n Wietengraven, wat de Noord-Arm von de Wümm is.

De Naveröörd sünd Otterst in’n Noordoosten, Eckstever in’n Oosten, Otterbarg in’n Süüdoosten, Hu’e in’n Westen un Quelkhorn in’n Noordwesten.

Historie[ännern | Bornkood ännern]

In Kamp hett dat dat Good Kamp geven.

In’n Eersten Weltkrieg sünd twölv Soldaten ut Kamp fullen oder vermisst.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Otterbarg in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Huusvaagdie Otterbarg in dat Amt Otterbarg tohöört un denn von 1859 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.

De Oort is 1929 Deel von de Gemeen Otterbarg worrn, de an’n 1. Juli 1972 mit de Gemeenreform in Neddersassen noch maal düüdlich grötter worrn is.

Inwahnertall[ännern | Bornkood ännern]

Johr Inwahners
1791-00-001791[2] 7 Füürsteden
1812-00-001812[3] 60
1824-00-001824[4] 10 Füürsteden
1848-00-001848[5] 70 Lüüd. 12 Hüüs
1871-12-011. Dezember 1871[6] 107 Lüüd. 19 Hüüs
1885-12-011. Dezember 1885[7] 116 Lüüd. 22 Hüüs
1905-12-011. Dezember 1905[8] 120 Lüüd. 23 Hüüs
1910-12-011. Dezember 1910[9] 109

Religion[ännern | Bornkood ännern]

Kamp is evangeelsch-luthersch präägt un höört to dat Kaspel von de Martin-Kark in Otterst.

För de Kathoolschen is de St.-Matthias-Kark in Achem tostännig.

Kultur[ännern | Bornkood ännern]

En Denkmaal för de Fullenen ut’n Eersten Weltkrieg steiht in Otterbarg bi de Kark.

Weertschop un Infrastruktur[ännern | Bornkood ännern]

För Kamp is de freewillige Füürwehr Otterbarg mit tostännig.

Verkehr[ännern | Bornkood ännern]

De Dörpstraat von Kamp löppt an de Landsstraat 154 ran, de in’n Noordwesten na Quelkhorn un denn an Hu’e langs op Leendaal to geiht un in’n Süüdoosten na Otterbarg. Dor drippt de L 154 op de L 132 un indirekt op de L 168.

De nächste Autobahn is de Autobahn 1 (Afsnidd HamborgBremen). De Opfohrt 50 Stuckenbossel liggt so söven Kilometer in’n Oosten von Kamp an de B 75.

De nächste Bahnhoff is knapp fiev Kilometer wied weg in’n Süüdoosten de Bahnhoff Otterbarg an de Bahnlien Hamborg–Bremen.

Scholen[ännern | Bornkood ännern]

De Grundschölers ut Kamp gaht na de Grundschool Hu’e. Na de 4. Klass wesselt se in de Regel op de Oberschool Wümmschool in Otterbarg oder op dat Gymnasium Otterbarg.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 45
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 110
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 138
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
  9. Inwahnertallen op gemeindeverzeichnis.de