Wall (Beek)

Wall
Laag	Neddersassen
Stroomsystem	Werser
Afströömrebeed	58 km²
Born	bi Vörwark
Münn	bi Otterbarg in de Wümm
linke Blangenströöm	Hollenbrooksgraven, Diekergraven, Otterster Beek

De Wall is en Beek, de in de Wümm münnt.

De Wall hett ehren Born in’n Linnwedel twüschen de Öörd Vörwark, Stapel un Winkeldörp. Von dor flütt se na Süüdwest, in’n Süden von Vörwark un an’n Hoff Hollinghusen langs. Kort vör Dipshorn nimmt se von links den Hollenbrooksgraven op un in’n Süüdoosten von Dipshorn den Diekergraven. De Wall flütt nu twüschen de Dörper Otterst op dat linke Över un Bookholt op dat rechte Över langs, dreiht na Süden un nimmt von links de Otterster Beek op. Op dat rechte Över liggt denn Quelkhorn. In’n Westen von Otterbarg bi Kamp münnt de Beek in den Wietengraven, wat en Arm von de Wümm is.

De Water flütt von de Wümm wieder in de Lesum un över de Werser in de Noordsee.

En groten Deel von de Rebeden langs de Wall doot in dat Landschopsschuulrebeed Wümmdaal mit Dünen un Siedendalen liggen.

In de Oorkunnen kummt de Naam von de Wall toeerst 1235 vör, as de Bremer Arzbischop Gerhard II. dat Klooster Leendaal dat Egendom an’n Teegd över 19 Stücken Land an Wümm un Wall bestätigt, dat Ridder Borchert von Gröpeln mit sien Bröder dat Klooster verarvt hett.