Bauermoor

Vun Wikipedia
Wapen/Flagg Koort
hett keen Wapen
Bauermoor
Laag vun Bauermoor in Düütschland
Basisdaten
Bundsland: Neddersassen
Landkreis: Veern
Gemeen: Achem
Inwahners: 650 (2012-01-011. Januar 2012)
Postleettall: 28832
Vörwahl: 04202
Geograafsche Laag:
Koordinaten:53° 2′ N, 9° 7′ O
53° 2′ N, 9° 7′ O

Karte

Bauermoor (hoochdüütsch Badenermoor) is en Dörp in de Gemeen Achem in’n Landkreis Veern, Neddersassen.

Geografie[ännern | Bornkood ännern]

De Oort liggt in’t Moor. Na Süden to slütt sik de Achem-Veerner Geest an. Dat Water ut dat Rebeed flütt na Noorden af, över den Bassener Möhlengraven na de Wümm.

De Naveröörd sünd Petershollen, Groten Hollen un Tüchten in’n Noorden, Schanzendörp un Giersdörp in’n Noordoosten, Grasdörp in’n Oosten, Steenbarg, Giersbarg un Hustäe in’n Süüdoosten, Bauen un Bauerholt in’n Süüdwesten, Bössel in’n Westen un Üserdicken un Lüttjen Hollen in’n Noordwesten.

Historie[ännern | Bornkood ännern]

Dat Dörp Bauermoor is 1914 anleggt worrn. De eersten Plaans sünd dorbi al 1907 maakt worrn. De Initiative dorto güng von’n Landraad von’n Kreis Achem, Josua Roedenbeck, ut. Toeerst hebbt düütsche Arbeiders dat Moor oorbor maakt, aver nadem de Eerste Weltkrieg anfungen harr, sünd Kriegsfungene ut Belgien, Frankriek un Grootbritannien insett worrn. Mit dat Johr 1922 is de Besiedlung von Bauermoor denn afslaten ween.

In’n Tweten Weltkrieg sünd 13 Soldaten ut Bauermoor fullen oder vermisst.[1]

Verwaltungsgeschicht[ännern | Bornkood ännern]

De Oort hett von 1914 bet 1972 to de Gemeen Bauen höört un is an’n 1. Juli 1972 mit de Gemeenreform in Neddersassen Deel von de Gemeen Achem worrn. Bet 1932 weer de Oort in’n Kreis Achem un na disse Tied in’n Kreis Veern.

Religion[ännern | Bornkood ännern]

Bauermoor is evangeelsch-luthersch präägt un höört to dat Kaspel von de Kark in Bauen. Von 1914 bet 1955 hett de Oort vörher to de Lukas-Kark in Postdörp tohöört.

För de Kathoolschen is de St.-Matthias-Kark in Achem tostännig.

De Karkhoff Bauermoor is 1932 anleggt worrn un hett 1952 en Kapell kregen.

Kultur[ännern | Bornkood ännern]

Verenen[ännern | Bornkood ännern]

De Sportvereen FC Bauermoor is 1961 grünnt worrn. De Vereen Dörpgemeenschop Bauermoor hett sik 2009 billt.

Weertschop un Infrastruktur[ännern | Bornkood ännern]

För Bauermoor is de freewillige Füürwehr Bauen mit tostännig.

In’n Westen von’n Oort liggt de Achemer Golfclub.

Verkehr[ännern | Bornkood ännern]

Dör Bauermoor löppt de Kreisstraat 6, de in’n Süüdwesten na Bauen an de Landsstraat 158 ran geiht un in’n Noordoosten in Giersdörp/Schanzendörp op de Kreisstraten K 5 un K 9 drippt. De K 9 löppt in’n Süüdoosten över Grasdörp un Langwedelermoor na Dauben. De K 5 geiht in’n Noordwesten bi Bassen an de L 156 un in’n Noordoosten in Postdörp an de L 155.

De nächste Autobahn is de Autobahn 27 (Afsnidd BremenWasra). De Opfohrt 24 Achem-Oost liggt so veer Kilometer in’n Süüdwesten von Bauermoor an de L 156.

De nächste Bahnhoff is so bi veer Kilometer wied weg in’n Süüdwesten de Bahnhoff Bauen an de Bahnlien Wunsdörp–Bremen.

Scholen[ännern | Bornkood ännern]

En eerste Noodschool hett de Oort 1920 kregen un 1922 denn ok en richtig Schoolhuus.

Lüüd[ännern | Bornkood ännern]

De Pädagoog Job-Günter Klink is 1980 in Bauermoor doodbleven.

Literatur[ännern | Bornkood ännern]

  • Hartmut Hagemann: 75 Jahre Badenermoor. In: Achimer Geschichts-Hefte 3 (1989), Sieden 3–14

Footnoten[ännern | Bornkood ännern]

  1. Onlineprojekt Gefallenendenkmäler

Weblenken[ännern | Bornkood ännern]