Langwedelermoor

Vun Wikipedia
Wapen/Flagg Koort
hett keen Wapen
Langwedelermoor
Laag vun Langwedelermoor in Düütschland
Basisdaten
Bundsland: Neddersassen
Landkreis: Veern
Gemeen: Langwedel
Inwahners:
Postleettall: 27299
Vörwahl: 04232
Geograafsche Laag:
Koordinaten:53° 0′ N, 9° 11′ O
53° 0′ N, 9° 11′ O

Karte

Langwedelermoor (hoochdüütsch Langwedelermoor) is en Dörp in de Gemeen Langwedel in’n Landkreis Veern, Neddersassen.

Geografie[ännern | Bornkood ännern]

De Oort liggt an’n Süüdrand von dat Kiewittmoor, wat de Süüdutlöper von dat Hellweger Moor is. De Oort is nich wied af von’n Rand na de Achem-Veerner Geest. Dat Water ut dat Rebeed flütt över’n Langwedeler Moorgraven un den Goldbeek na de Ole Aller un de Werser hen af.

De Naveröörd sünd Hintzendörp un Allerdörp in’n Noorden, Hoberloo in’n Noordoosten, Völkersen in’n Oosten, Doolbröch in’n Süüdoosten, Langwedel un Dauben in’n Süden, Cluvenhagen un Ädelsen in’n Süüdwesten un Steenbarg un Grasdörp in’n Noordwesten.

Historie[ännern | Bornkood ännern]

Langwedelermoor is to Anfang von dat 19. Johrhunnert as Moorkolonie grünnt worrn.

Verwaltungsgeschicht[ännern | Bornkood ännern]

De Oort hett vör 1885 to’n Distrikt Langwedel in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort höört von öllers bi de Gemeen Langwedel mit bi, de an’n 1. Juli 1972 mit de Gemeenreform in Neddersassen düüdlich grötter worrn is.

Inwahnertall[ännern | Bornkood ännern]

Johr Inwahners
1848-00-001848[1] 51 Lüüd, 10 Hüüs
1871-12-011. Dezember 1871[2] 78 Lüüd, 14 Hüüs
1885-12-011. Dezember 1885[3] 92 Lüüd, 15 Hüüs
1905-12-011. Dezember 1905[4] 110 Lüüd, 16 Hüüs

Religion[ännern | Bornkood ännern]

Langwedelermoor is evangeelsch-luthersch präägt un höört to dat Kaspel von de Sigismund-Kark in Dauben.

För de Kathoolschen is de St.-Josef-Kark in Veern tostännig.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Langwedelermoor is an’n 16. Juli 1932 grünnt worrn.

Weertschop un Infrastruktur[ännern | Bornkood ännern]

För Langwedelermoor is de freewillige Füürwehr Langwedel mit tostännig.

In de Neegd von Langwedelermoor bedrifft dat Mörtelwark Dauben en Sand- un Kieskuhl.

Verkehr[ännern | Bornkood ännern]

An Langwedelermoor langs löppt de Kreisstraat 9, de in’n Noorden na Grasdörp un över annere Kreisstraten na Bassen un Postdörp geiht un in’n Süden na Dauben an de Landsstraat 158. De L 158 wedder föhrt in’n Noordwesten över Cluvenhagen un Ädelsen na Achem un in’n Süüdoosten na Dauelsen an de Bundsstraat 215, de na Veern geiht.

De nächste Autobahn is de Autobahn 27 (Afsnidd BremenWasra). De Opfohrt 24b Langwedel liggt direkt an’n Rand von Langwedelermoor. Bevör düsse Opfohrt 2011 boot worrn is, weer de nächste Opfohrt de Opfohrt 25 Veern-Noord, de teihn Kilometer in’n Süüdoosten an de B 215 liggt. Bi de Opfohrt liggt ok de Rastplatz Goldbeek.

De nächste Bahnhoff is so bi veer Kilometer wied weg in’n Süden de Bahnhoff Langwedel an de Bahnlienen Wunsdörp–Bremen un Ülzen–Langwedel. Disse Bahnhoff is ok inbunnen in dat Nett von de Regio-S-Bahn Bremen/Neddersassen.

Scholen[ännern | Bornkood ännern]

De Kinner ut Langwedelermoor güngen vör 1836 in Langwedel na School. In dat Johr hett de Oort en egen School kregen. Dat hett noch keen Schoolhuus geven, de Schoolmeester hett in de Buurnhüüs Ünnerricht geven. Eerst 1895 hett de Oort denn en Schoolhuus kregen. Na de Volksschool kemen ok Kinner ut’n Daubener Brook un Daubener Branden. To’n 1. Februar 1936 hett Dauben düsse Kinner wedder na Dauben haalt. De Schölertall weer nu so lütt, dat de School to’n 1. Juni 1936 oplööst worrn is. De Kinner güngen denn in Langwedel na School. Na’n Tweten Weltkrieg is de Schölertall dör de Verdrevenen wedder wussen un de School hett 1948 wedder apenmaakt. Later is de School denn aver kumplett dichtmaakt worrn. De Kinner gaht nu op de Grundschool Langwedel.

Footnoten[ännern | Bornkood ännern]

  1. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 175
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 181