Mairie St. Jürgen

Vun Wikipedia
(wiederwiest vun Mairie Sankt Jürgen)
Zur Navigation springen Zur Suche springen

De Mairie St. Jürgen weer in de Franzosentied (1810 bet 1813) een von de dree Mairien, in de de Kanton Leendaal indeelt weer. De Seet weer in St. Jürgen. Se harr 2125 Inwahners.[1]

Historie[ännern | Bornkood ännern]

De Ümgegend von St. Jürgen hett vör de Franzosentied to dat Gericht Nedderenn St. Jürgen un de Ämter Leendaal, Otterbarg (blots Wörpdörp) un Oosterholt (blots Waakhusen) in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer St. Jürgen Deel von de Mairie Öberenn in’n Kanton Leendaal von’n Distrikt Bremervöör, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De ne’e Mairie St. Jürgen weer nu een von de dree Mairien in’n Kanton Leendaal, Distrikt Bremen, Departement von de Wersermünnen. In de Mairie sünd Öörd in tohoopfaat worrn, de vörher in Westfalen to de fiev Mairien Öberenn, Törfmoor, Worphusen, Wörpdörp un Wörpheim (all in’n Kanton Leendaal) höört harrn. Von de Mairien Törfmoor un Worphusen weer dat blots en Deel. De Rest is an de Mairie Leendaal fullen. Von de Mairie Seehusen weer dat blots Wörpdörp. Seehusen güng an de Mairie Worpsweed.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd Deel von de Gemeen Leendaal un to lüttje Delen de Gemenen Hu’e un Grasbarg.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 96
  2. Bulletin des lois du Royaume de Westphalie. Königliche Bookdruckeree, Kassel 1810, Sied 12