Noordsied
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27721 | |
| Vörwahl: | 04292 | |
| Geograafsche Laag: | Koordinaten:53° 10′ N, 8° 45′ O53° 10′ N, 8° 45′ O | |
|
| ||
De Noordsied (hoochdüütsch Nordseite) is en lütten Oort in de Gemeen Hu’e in’n Landkreis Oosterholt, Neddersassen. Binnen de Gemeen höört de Oort to’n Oortsdeel Hu’e.
De Hoff ganz in’n Oosten von de Noordsied driggt den Naam Hagensfähr.
Geografie
[ännern | Bornkood ännern]De Oort liggt in de Masch von de Wümm direkt achter’n Diek an dat Noordöver von’n Stroom.
De Naveröörd sünd Hu’e in’n Noorden, Nedderenn un Sankt Jürgen in’n Noordoosten, Höftdiek in’n Oosten, Wummensied in’n Süden un Waterhorst in’n Süüdwesten.
Direkt in’n Süden von de Noordsied is de Landsgrenz na Bremen.
Historie
[ännern | Bornkood ännern]De Oort kummt 1257 as Nordsida toeerst in Oorkunnen von dat Klooster Leendaal vör. 1264 hett de Bremer Arzbischop den Teegd von de Noordsied an dat Klooster Oosterholt överdragen.
An de Noordsied sünd teihn Worten nawiest, de aver an dat Enn von dat Middelöller verlaten worrn sünd. 1535 warrt dat Rebeed as unbebuweth Wyschlandt betekent. Aver noch in dat 16. Johrhunnert sünd wohrschienlich ne’e Hööv anleggt worrn.
De Brügg över de Wümm is 1912 boot worrn. An’n 18. November 1933 is en Neebo ut Iesenbeton inwieht worrn, de negen Meter breed weer.
Verwaltungsgeschicht
[ännern | Bornkood ännern]De Oort hett vör 1848 to dat Gericht Hu’e tohöört un dor to de Middelbuurschop. Düt Gericht is 1848 Deel von dat Amt Oosterholt worrn, ut dat 1885 wedder de Kreis Oosterholt worrn is. De Kreis Oosterholt hett sik 1932 mit’n Kreis Blomendal to’n hüdigen Kreis Oosterholt tohoopslaten.
De Hoff Hagensfähr hett in Stüürsaken un na verscheden Gerichtsborkeiten to dat Gericht Hu’e höört, de Zivilgerichtsborkeit leeg aver bi dat Gericht Nedderenn St. Jürgen. Düt Gericht hett bett 1848 bestahn.
De Oort höört von öllers bi de Gemeen Hu’e bi, de an’n 1. März 1974 mit de Gemeenreform in Neddersassen de hüdige vergrötterte Gemeen Hu’e billt hett.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 4 Füürsteden |
| 1848[2] | 3 Hüüs |
| 1. Dezember 1885[3] | 22 Lüüd, 3 Hüüs |
| 1. Dezember 1905[4] | 17 Lüüd, 3 Hüüs |
Religion
[ännern | Bornkood ännern]De Noordsied is evangeelsch-luthersch präägt un höört to dat Kaspel von de Kark in Waterhorst.
För de Kathoolschen is de Hillige-Familie-Kark in Oosterholt-Scharmbeek tostännig.
Weertschop un Infrastruktur
[ännern | Bornkood ännern]För de Noordsied is de freewillige Füürwehr Hu’e mit tostännig.
Verkehr
[ännern | Bornkood ännern]Dör de Noordsied löppt de Landsstraat 151, de in’n Noorden na Hu’e an de Bundsstraat 74 ran geiht un in’n Süden in Bremen as Hu’er Heerstraat na’n Bremer Stadtdeel Oshusen. In’n Noordoosten geiht von de L 151 de Kreisstraat 43 af, de in de K 8 övergeiht un över Nedderenn un en Reeg annere Öörd na Leendaal föhrt.
De nächste Autobahn is de Autobahn 27 (Afsnidd Bremen–Bremerhoben). De Opfohrt 17 Bremen-Industriehavens liggt so twee Kilometer in’n Süden von de Noordsied an de Hu’er Heerstraat.
De nächste Bahnhoff is 2,5 Kilometer wied weg in’n Noorden de Bahnhoff Hu’e an de Bahnlien Bremen–Bremerhoben.
Footnoten
[ännern | Bornkood ännern]- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 448
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 151
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 169
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144