Giehlermoor

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Giehlermoor
Laag vun Giehlermoor in Düütschland
Basisdaten
Bundsland: Neddersassen
Landkreis: Oosterholt
Samtgemeen: Hambargen
Gemeen: Vollerso
Inwahners:
Postleettall: 27729
Vörwahl: 04794
Geograafsche Laag:
Koordinaten:53° 20′ N, 8° 57′ O
53° 20′ N, 8° 57′ O

Giehlermoor (hoochdüütsch Giehlermoor) is en Dörp in de Gemeen Vollerso (Samtgemeen Hambargen) in’n Landkreis Oosterholt, Neddersassen.

Geografie[ännern | Bornkood ännern]

De Oort liggt in dat Düvelsmoor. Dat Water ut dat Rebeed flütt över Gravens na’n Giehlermoorer Schippgraven un na’n Kollbeek hen af.

De Naveröörd sünd Nee Kuhstermoor in’n Noorden, Kuhstermoor in’n Noordoosten, Meinershagen in’n Oosten, Oostersood in’n Süüdoosten, Wallhöbenermoor un Friedensheim in’n Süüdwesten, Vollerso in’n Westen un Ahrensdörp in’n Noordwesten.

Historie[ännern | Bornkood ännern]

Dat Moor üm’n Oort rüm is in de Tied von 1835 bet 1850 dröögleggt worrn un in disse Tied hebbt se ok de eersten Hüüs boot. Dat Land harr vörher den Buur Bullwinkel tohöört, de 1835 bi de Landdrostie Stood den Andrag stellt harr, dat he 135 Morgen Land an Kolonisten afgeven dröff, wat de Landdrostie 1842 genehmigt hett.[1]

In’n Eersten Weltkrieg sünd söss Soldaten ut Giehlermoor fullen oder vermisst un in’n Tweten Weltkrieg 15.[2]

Verwaltungsgeschicht[ännern | Bornkood ännern]

De Oort hett vör 1852 to de Huusvaagdie Beverst in dat Gericht Beverst un von 1852 bet 1859 to dat Amt Beverst tohöört. Von 1859 bet 1885 weer de Oort in dat Amt Oosterholt un na 1885 in’n Kreis Oosterholt. 1932 is dat Deel von’n Landkreis Oosterholt worrn.

De Oort höört to Anfang bi Giehl mit bihöört, is denn aver later in dat 19. Johrhunnert en egen Gemeen worrn. De Gemeen Giehlermoor is an’n 1. April 1937 Deel von de Gemeen Vollerso worrn.

Inwahnertall[ännern | Bornkood ännern]

Johr Inwahners
1848-00-001848[3] 36 Lüüd. 7 Hüüs
1871-12-011. Dezember 1871[4] 133 Lüüd. 21 Hüüs
1910-12-011. Dezember 1910[5] 173

Religion[ännern | Bornkood ännern]

Giehlermoor is evangeelsch-luthersch präägt un höört to dat Kaspel von de Erlöser-Kark in Kuhs.

För de Kathoolschen is de Hillige-Familie-Kark in Oosterholt-Scharmbeek tostännig.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht an de Giehlermoorer Straat twüschen Giehlermoor un Ahrensdörp.

Verenen[ännern | Bornkood ännern]

De Schüttenvereen Giehlermoor is 1903 grünnt worrn.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Giehlermoor liggt an de Kreisstraat 34, de in’n Westen na Vollerso löppt un denn an de Bundsstraat 74 ran. In’n Oosten geiht en lüttjere Straat över Meinershagen un Noordsood an de Landsstraat 165 ran un in’n Noorden över Kuhstermoor na Kuhs an de B 74. De B 74 löppt in’n Noordoosten an Gnarrenborg langs na Bremervöör un in’n Süüdwesten över Wallhöben na Oosterholt-Scharmbeek un Bremen-Noord. De L 165 geiht in’n Noordoosten na Korlshöben an de L 122 un slütt in’n Süden an de L 153 an, de na Weyerbarg geiht.

De nächste Autobahn is de Autobahn 27 (Afsnidd BremenBremerhoben). De Opfohrt 16 Bremen-Noord liggt so 28 Kilometer in’n Süüdwesten von Giehlermoor an de B 74. De B 74 geiht dor ok in de Autobahn 270 över.

De nächste Bahnhoff is so bi 13 Kilometer wied weg in’n Süüdwesten de Bahnhoff Olenbüttel an de Bahnlien Bremen–Bremerhoben. Op de Bahnlien Stood–Oosterholt-Scharmbeek hett dat von 1911 bet 1978 Personenverkehr geven. De Bahnhööv Oostersood un Noordsood legen in disse Tied dree/veer Kilometer in’n Oosten.

Scholen[ännern | Bornkood ännern]

De Volksschool in Giehlermoor hett in de Johren 1970 dichtmaakt. De Kinner gaht nu na de Grundschool Hambargen.

Literatur[ännern | Bornkood ännern]

  • Manfred Kück: Die Geschichte der Ortschaften Giehlermoor und Ahrensdorf. 1993

Footnoten[ännern | Bornkood ännern]

  1. Hans-Ulrich Derlien: Kommunalpolitik im geplanten Wandel: Auswirkungen der Gebietsreform auf das kommunale Entscheidungssystem. Nomos Verlag-Gesellschaft, 1986, Sied 173
  2. http://www.denkmalprojekt.org/2012/ahrensdorf+giehlermoor_gem-vollersode_lk-osterholz_wk1_wk2_ns.html
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 148
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156
  5. Inwahnertallen op gemeindeverzeichnis.de