Wallhöbenermoor

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Wallhöbenermoor
Laag vun Wallhöbenermoor in Düütschland
Basisdaten
Bundsland: Neddersassen
Landkreis: Oosterholt
Samtgemeen: Hambargen
Gemeen: Vollerso
Inwahners:
Postleettall: 27729
Vörwahl: 04794
Geograafsche Laag:
Koordinaten:53° 19′ N, 8° 56′ O
53° 19′ N, 8° 56′ O

Wallhöbenermoor (hoochdüütsch Wallhöfenermoor) is en lütten Oort in de Gemeen Vollerso (Samtgemeen Hambargen) in’n Landkreis Oosterholt, Neddersassen.

Geografie[ännern | Bornkood ännern]

De Oort liggt in dat Düvelsmoor. Dat Water ut dat Rebeed flütt över Gravens na’n Lunzengraven un in de Hamm.

De Naveröörd sünd Ahrensdörp in’n Noorden, Giehlermoor un Meinershagen in’n Noordoosten, Noordsood un Oostersood in’n Oosten, Friedensheim un Bornrieh in’n Süüdwesten, Wallhöben in’n Westen un Vollerso in’n Noordwesten.

Historie[ännern | Bornkood ännern]

Wallhöbenermoor is in dat 19. Johrhunnert as lüttje Moorkolonie von Wallhöben ut grünnt worrn.

Verwaltungsgeschicht[ännern | Bornkood ännern]

De Oort hett vör 1885 to de Vaagdie Hambargen in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort hett al jümmer bi de Gemeen Wallhöben mit bihöört. Düsse Gemeen is an’n 1. April 1937 Deel von de Gemeen Vollerso worrn.

Inwahnertall[ännern | Bornkood ännern]

Johr Inwahners
1905-12-011. Dezember 1905[1] 46 Lüüd. 7 Hüüs

Religion[ännern | Bornkood ännern]

Wallhöbenermoor is evangeelsch-luthersch präägt un höört to dat Kaspel von de Ansgar-Kark in Wallhöben. De Wallhöbener Kark is 1966 boot un 1997 egenstännige Karkengemeen worrn. Vörher hett de Oort to de Cosmae-un-Damiani-Kark in Hambargen tohöört.

För de Kathoolschen is de Hillige-Familie-Kark in Oosterholt-Scharmbeek tostännig.

Weertschop un Infrastruktur[ännern | Bornkood ännern]

För Wallhöbenermoor is de freewillige Füürwehr Vollerso mit tostännig.

Verkehr[ännern | Bornkood ännern]

Dör Wallhöbenermoor löppt de Kreisstraat 19, de in’n Oosten in Oostersood an de Landsstraat 165 ran geiht un in’n Westen in Wallhöben an de Bundsstraat 74. De B 74 föhrt in’n Noordoosten över Kuhs un an Gnarrenborg langs na Bremervöör un in’n Süüdwesten över Hambargen, Oosterholt-Scharmbeek un Hu’e na Bremen-Noord. De L 165 löppt von Oostersood in’n Noordoosten na Korlshöben un in’n Süden na Huttenbusch un an de L 153.

De nächste Autobahn is de Autobahn 27 (Afsnidd BremenBremerhoben), de mit ehre verscheden Opfohrten so üm un bi 25 Kilometer von Wallhöbenermoor af is.

De nächste Bahnhoff is so bi teihn Kilometer wied weg in’n Süüdwesten de Bahnhoff Olenbüttel an de Bahnlien Bremen–Bremerhoben.

Footnoten[ännern | Bornkood ännern]

  1. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144