Bahnhoff Frellsdorp
De Bahnhoff Frellsdorp is en Bahnhoff mit een Gleis bi dat Dörp Frellsdorp. De Bahnhoff liggt an de Bahnlien Bremerhoben–Buxthu.
De Bahnhoff liggt bi 500 Meter in’n Süden von Frellsdorpermöhlen un een Kilometer in’n Noorden von Frellsdorp an de Bahnhoffsallee. Nadem de Bahnhoff op free Feld anleggt worrn is, sünd in de Tied sietdem aver ok en ganze Reeg Hüüs an’n Bahnhoff boot worrn.
Historie
[ännern | Bornkood ännern]1898 is de Bahnlien Bremerhoben–Stood boot worrn. To de Tied is ok de Bahnhoff Frellsdorp inricht worrn.
Nadem de Iesenbahnen un Verkehrsbedrieven Elv-Werser (EVB) 1993 mit de Buxthu-Harsfeller Iesenbahn tohoopgahn is, hett de EVB an’n 26. September 1993 den Fohrplaan ümstellt. Nu kunnen se von Bremerhoben över Buxthu direkt na Neegraven (mit Ansluss an de Lien S 3 von de S-Bahn Hamborg) föhren. Nadem de Lien S 3 to’n Winterfohrplaan 2007/2008 bet na Stood verlängert worrn is, is de EVB nich mehr bet na Neegraven föhrt. Dat Enn von de Lien (mit Övergang na de S 3) weer nu Buxthu.
De Afkörten in dat Bahnamtliche Betriebsstellenverzeichnis is AFF[1] un de Internatschonale Bahnhoffsnummer 609993.
De Bahnhoff hett en Siedenbahnstieg an de Süüdsied. Dat gifft en Park&Ride-Anlaag för Autos mit acht Parkplätz un en Bike&Ride-Stellplatz mit üm un bi 10 Plätz för Fohrrääd.[2]
Personenverkehr
[ännern | Bornkood ännern]| Bedriever | Öörd | KBS | Takt |
|---|---|---|---|
| EVB | Buxthu – Obbens – Ruschwedel – Harsfeld – Bargst – Brest-Aasp – Kutenhult – Heesdörp – Bremervöör – Örel – Op de Hööv – Frellsdorp – Geestenseth – Wehdel – Sellst – Wulsdörp – Bremerhoben Hauptbahnhoff | KBS 122 | elk Stünn |
Footnoten
[ännern | Bornkood ännern]- ↑ Übersicht der Betriebsstellen und deren Abkürzungen aus der Richtlinie 100, dbnetze.com
- ↑ Bahnhoff Frellsdorp bi evb.de
Koordinaten:53° 30′ N, 8° 54′ O