Bahnhoff Geestenseth
De Bahnhoff Geestenseth is en Bahnhoff mit dree Gleise in dat Dörp Geestenseth. De Bahnhoff liggt an de Bahnlien Bremerhoben–Buxthu.
De Bahnhoff liggt in’n Süüdoosten von’n Oort dicht bi de Krüzung von de Landsstraat 128 un de L 143 un K 40.
Historie[ännern | Bornkood ännern]
1898 is de Bahnlien Bremerhoben–Stood boot worrn. To de Tied is ok de Bahnhoff Geestenseth inricht worrn. De Bahnhoff is op free Feld een Kilometer in’n Süüdoosten von dat Dörp anleggt worrn. Mit de Tied sünd denn an’n Bahnhoff jümmer mehr Hüüs boot worrn. Vondaag is dat Wahnrebeed an’n Bahnhoff grötter as dat ole Dörp un de twee Rebeden sünd meist tohoopwussen.
Nadem de Iesenbahnen un Verkehrsbedrieven Elv-Werser (EVB) 1993 mit de Buxthu-Harsfeller Iesenbahn tohoopgahn is, hett de EVB an’n 26. September 1993 den Fohrplaan ümstellt. Nu kunnen se von Bremerhoben över Buxthu direkt na Neegraven (mit Ansluss an de Lien S 3 von de S-Bahn Hamborg) föhren. Nadem de Lien S 3 to’n Winterfohrplaan 2007/2008 bet na Stood verlängert worrn is, is de EVB nich mehr bet na Neegraven föhrt. Dat Enn von de Lien (mit Övergang na de S 3) weer nu Buxthu.
De Afkörten in dat Bahnamtliche Betriebsstellenverzeichnis is AGTH[1] un de Internatschonale Bahnhoffsnummer 605760.
De Bahnhoff hett twee Middelbahnstiegen twüschen de dree Gleise. Dat gifft en Park&Ride-Anlaag för Autos mit acht Parkplätz un en Bike&Ride-Stellplatz mit üm un bi 60 Plätz för Fohrrääd.[2]
Personenverkehr[ännern | Bornkood ännern]
| Bedriever | Öörd | KBS | Takt |
|---|---|---|---|
| EVB | Buxthu – Obbens – Ruschwedel – Harsfeld – Bargst – Brest-Aasp – Kutenhult – Heesdörp – Bremervöör – Örel – Op de Hööv – Frellsdorp – Geestenseth – Wehdel – Sellst – Wulsdörp – Bremerhoben Hauptbahnhoff | KBS 122 | elk Stünn |
Footnoten[ännern | Bornkood ännern]
- ↑ Übersicht der Betriebsstellen und deren Abkürzungen aus der Richtlinie 100, dbnetze.com
- ↑ Bahnhoff Geestenseth bi evb.de
Koordinaten:53° 30′ N, 8° 52′ O