Tinst

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Tinst
Laag vun Tinst in Düütschland
Basisdaten
Bundsland: Neddersassen
Landkreis: Stood
Samtgemeen: Freenbeek
Gemeen: Kutenhult
Inwahners:
Postleettall: 27449
Vörwahl: 04762
Geograafsche Laag:
Koordinaten:53° 30′ N, 9° 16′ O
53° 30′ N, 9° 16′ O

Tinst (hoochdüütsch Tinste) is en lütten Oort in de Gemeen Kutenhult (Samtgemeen Freenbeek) in’n Landkreis Stood, Neddersassen. Dat hett polietsch al von öllers to Mulsen tohöört.

Geografie[ännern | Bornkood ännern]

In’n Noorden von Tinst hett de Swing ehren Born un in’n Süden de Pulvermöhlenbeek un de Köhlhornsbeek (flütt na de Swing). En poor hunnert Meter von Tinst weg dör Hogenmoor geiht de Oost-Swing-Kanaal. In’n Süüdwesten liggt dat Horner Holt.

De Naveröörd sünd Öölmerheid un Schierel in’n Noorden, Mulsen in’n Oosten, Kutenhult un Bullenholt in’n Süüdoosten, Eßel in’n Süden, Sprakel un Heesdörp in’n Süüdwesten un Hogenmoor un Öölm in’n Noordwesten.

Historie[ännern | Bornkood ännern]

In de Franzosentied von 1810 bet 1814 hett de Oort to de Mairie Mulsen in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Böörd Mulsen binnen dat Amt Harsfeld tohöört. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.

De Oort is an’n 1. Juli 1972 mit de Gemeenreform in Neddersassen Deel von de Gemeen Kutenhult worrn.

Inwahnertall[ännern | Bornkood ännern]

Johr Inwahners
1824-00-001824[1] 2 Füürsteden
1871-12-011. Dezember 1871[2] 22 Lüüd. 3 Hüüs

Religion[ännern | Bornkood ännern]

Tinst is evangeelsch-luthersch präägt un höört to dat Kaspel von de Petrus-Kark in Mulsen.

För de Kathoolschen weer von 1968 bet 2003 de Lukas-Kark in Freenbeek tostännig. De Kark is denn dichtmaakt worrn, üm Geld to sporen. Vondaag höört de Oort to de Karkengemeen von de Hillig-Geist-Kark in Stood. En annere kathoolsche Kark in de Ümgegend is de Michael-Kark in Harsfeld.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De Dörpstraat dör Tinst löppt in’n Noordoosten na Mulsen un in’n Süüdwesten na Bremervöör un Heesdörp. Ans gifft dat noch en lüttjere Straat över Hogenmoor na Öölm.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 22 Kilometer in’n Noordoosten von Tinst.

De nächste Bahnhoff is so bi negen Kilometer wied weg in’n Süüdoosten de Bahnhoff Kutenhult an de Bahnlien Buxthu–Bremerhoben.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 602: http://books.google.de/books?id=tG0AAAAAcAAJ&pg=PA602
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143: https://books.google.de/books?id=qTZDAQAAMAAJ&pg=RA2-PA143