Lukas-Kark (Freenbeek)
De Lukas-Kark weer bet 2004 en röömsch-kathoolsche Kark in Freenbeek in dat Dekanat Ünnerelv von dat Bisdom Hilmssen. Ehren Naam hett se von’n Evangelist Lukas. Vondaag höört dat Rebeed von de Lukas-Kark to de Karkengemeen von de Hillig-Geist-Kark in Stood.
De Kark is 1967 an de Eck von Bahnhoffstraat un Am Walde boot un 1968 wieht worrn. De Kark weer na Plään von Josef Fehlig ut Fertigbo-Delen boot un harr en Toorn.
De Kark hett Wiehnachten 2003 ehren letzten Goddsdeenst hatt un is an’n 27. Dezember 2003 profaneert worrn. In’n März 2004 is se afreten worrn. Vondaag steiht an de Steed en Supermarkt un Wahnhüüs. Dor hängt ok en Gedenkplakett för de fröhere Kark. Dat Geld, dat dör den Verkoop rinkamen is un spoort warrt, is för dat Parrhuus in Stood bruukt worrn. St. Lukas weer de twete Kark in’t Bisdom Hilmssen na Zur göttlichen Vorsehung in Angerstein, de dichtmaakt worrn is, üm Geld to sporen.
De Klock von de Kark lüüdt nu in Stood, Altor un Ambo staht ok in Stood vör de Josef-Kark. De Örgel warrt jüstso von de Josef-Kark bruukt.
Koordinaten:53° 31′ N, 9° 24′ O