Oost-Swing-Kanaal

De Oost-Swing-Kanaal is en Kanaal, de de Oost mit de Swing verbinnen deit. He löppt von en Steed an de Oost op halven Weg twüschen Bremervöör un Öölm na en Steed nich wied von’n Born von’e Swing bi Mulsen. De Oort Hogenmoor liggt an’t Över von’n Kanaal. Bi Heesdörp münnt de Pulvermöhlenbeek in’n Kanaal.

Jürgen Christian Findörp hett den Kanaal 1774 anfangen laten. 1778 weer de Kanaal meist trech un blots noch en Stück von 348 Roten (üm un bi 1600 m) nableven. Dit Stück dee aver dör en Moor gahn, dat 12 m deep weer. Dat hett denn noch bet 1784 duurt, dat de Kanaal kumplett trech weer. Aver al 1788 hebbt se bi en Kunferenz to de Moorkolonisatschoon funnen, dat an’n Kanaal woll technisch nix uttosetten weer, he aver so wenig bruukt warrt, dat he dor al nich mehr good in Schuss weer. Vondaag is de Kanaal nich mehr to bruken.

De Kanaal hett en Afströömrebeed von 28 km².