Wehl (Freenbeek)

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Wehl
Laag vun Wehl in Düütschland
Basisdaten
Bundsland: Neddersassen
Landkreis: Stood
Samtgemeen: Freenbeek
Gemeen: Freenbeek
Inwahners: 689 (2006-00-002006)
Postleettall: 21717
Vörwahl: 04149
Geograafsche Laag:
Koordinaten:53° 30′ N, 9° 24′ O
53° 30′ N, 9° 24′ O

Wehl (hoochdüütsch Wedel) is en Dörp in de Gemeen Freenbeek in’n Landkreis Stood, Neddersassen.

Geografie[ännern | Bornkood ännern]

De Naveröörd sünd Freenbeek in’n Noorden, Deinst, Helmst un Sandkroog in’n Noordoosten, Frankenmoor, Lusthoop un Bargst in’n Süüdoosten, Groten Aasp in’n Süüdwesten un Kutenhult in’n Westen.

Historie[ännern | Bornkood ännern]

Wehl kummt an’n 17. März 986 as Uuidula toeerst in en Oorkunn von König Otto III. vör, in de he dat Verhältnis twüschen dat Klooster Heeßel un dat Arzbisdom Bremen regelt.[1]

Vör 1852 weer dat Dörp in de Böörd Mulsen binnen dat Amt Harsfeld. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 hett dat denn to’n Kreis Stood höört un von 1932 af an to’n hüdigen Kreis Stood.

De Gemeen Wehl hett von 1965 bet 1972 to de Samtgemeen Freenbeek tohöört. De is 1972 oplööst worrn. In dat Johr is mit de Kommunalreform in Neddersassen de ne’e un gröttere Samtgemeen Freenbeek billt worrn, to de de Oort sietdem höört. Wehl is dorbi tohoop mit Lüttjen Freenbeek, Groot Freenbeek un Swing Deel von de ne’e Gemeen Freenbeek worrn.

In’n Eersten Weltkrieg sünd 8 Soldaten ut Wehl fullen oder vermisst un in’n Tweten 29[2].

Inwahnertall[ännern | Bornkood ännern]

Johr Inwahners
1848-00-001848[3] 194 Lüüd. 33 Hüüs
1871-12-011. Dezember 1871[4] 190 Lüüd. 34 Hüüs
1910-12-011. Dezember 1910[5] 235
1925-00-001925[6] 246
1933-00-001933[6] 246
1939-00-001939[6] 272
1970-00-001970 410
1986-00-001986 503
1991-00-001991 482
1997-00-001997 565
2001-00-002001 653
2006-00-002006 689

Religion[ännern | Bornkood ännern]

Wehl is evangeelsch-luthersch präägt un hett bet 1959 to dat Kaspel von de Primus-Kark in Bargst höört. Nu höört dat to de Martin-Luther-Kark in Freenbeek. In de Tied 1111/1116 hett Wehl noch to dat Kaspel von de Kark in Mulsen tohöört.[7]

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht bi’n Karkhoff.

Vereens[ännern | Bornkood ännern]

De Schüttenvereen von Wehl is 1951 grünnt worrn un de Freewillige Füürwehr 1936.

Infrastruktur[ännern | Bornkood ännern]

Verkehr[ännern | Bornkood ännern]

Wehl liggt an de Kreisstraat 50 un is över disse Straat in’n Noorden mit Freenbeek verbunnen un denn över de K 1 an de Bundsstraat 74 anbunnen. In’n Süüdoosten löppt de Straat denn na Bargst. Na Süüdwesten löppt de Kreisstraat 61 na Groten Aasp.

Literatur[ännern | Bornkood ännern]

  • Walter Holst: „Uuidula“ 986 bis 1986. 1000 Jahre Wedel und 50 Jahre freiwillige Feuerwehr. Egenverlag, Heimatvereen Freenbeek, 1986

Footnoten[ännern | Bornkood ännern]

  1. http://www.regesta-imperii.de/regesten/2-3-0-otto-iii/nr/0986-03-17_1_0_2_3_0_161_980.html
  2. http://www.denkmalprojekt.org/2010/fredenbeck-wedel_w1u2_ns.htm
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143: https://books.google.de/books?id=qTZDAQAAMAAJ&pg=RA2-PA143
  5. http://www.gemeindeverzeichnis.de/gem1900/gem1900.htm?hannover/stade.htm
  6. a b c http://www.verwaltungsgeschichte.de/stade.html
  7. Hamburgisches Urkundenbuch. Band 1, Perthes-Besser, 1842, Sied 125