Swing (Dörp)
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | 1.006 (2006) | |
| Postleettall: | 21717 | |
| Vörwahl: | 04149 | |
| Geograafsche Laag: | Koordinaten:53° 33′ N, 9° 23′ O53° 33′ N, 9° 23′ O | |
|
| ||
Swing (hoochdüütsch Schwinge) is en Dörp in de Gemeen Freenbeek (Samtgemeen Freenbeek) in’n Landkreis Stood, Neddersassen. Bi Swing höört ok von öllers dat Good Swing un de lüttjere Oort Hogenoher Forth mit bi.
Geografie
[ännern | Bornkood ännern]Dat Dörp liggt an’n Stroom Swing, von den dat Dörp den Naam hett. De Naveröörd sünd Wittenmoor un Wiepenkathen in’n Noorden, Hagen in’n Oosten, Freenbeek in’n Süden, Hogenoh in’n Westen un Heinbockel in’n Noordwesten.
Historie
[ännern | Bornkood ännern]In’n Eersten Weltkrieg sünd 20 Soldaten ut Swing fullen oder vermisst un in’n Tweten 37[1].
Verwaltungsgeschicht
[ännern | Bornkood ännern]De Oort hett vör 1784 to dat Amt Harsfeld tohöört, von 1784 bet 1850 to dat Gericht Swing un denn von 1850 bet 1859 to dat Amt Stood-Gothenborg. Von 1859 bet 1885 weer dat in dat Amt Himmelpoorten un na 1885 in’n Kreis Stood. 1932 is dat Deel von’n ne’en, grötteren Kreis Stood worrn.
De Gemeen Swing hett in de Tied vör 1972 toletzt to de Samtgemeen Freenbeek tohöört. De is mit de Gemeenreform in Neddersassen to’n 1. Juli 1972 oplööst worrn. Do is de ne’e un gröttere Samtgemeen Freenbeek billt worrn, to de de Oort sietdem höört. Swing is dorbi tohoop mit Lüttjen Freenbeek, Groot Freenbeek un Wehl Deel von de ne’e Gemeen Freenbeek worrn.
Inwahnertall
[ännern | Bornkood ännern]| Johr | Inwahners |
|---|---|
| 1824[2] | 20 Füürsteden |
| 1848[3] | 302 Lüüd, 40 Hüüs |
| 1. Dezember 1871[4] | 314 Lüüd, 43 Hüüs |
| 1. Dezember 1910[5] | 335 |
| 1925[6] | 377 |
| 1933[6] | 393 |
| 1939[6] | 406 |
| 1970 | 603 |
| 1986 | 755 |
| 1991 | 714 |
| 1997 | 869 |
| 2001 | 1.011 |
| 2006 | 1.006 |
Religion
[ännern | Bornkood ännern]Swing is evangeelsch-luthersch präägt un höört to dat Kaspel von de Petrus-Kark in Mulsen.
Wapen
[ännern | Bornkood ännern]Dat Wapen von Swing wiest op grönen Grund en sülvern Wellenbalken.
De Wellenbalken steiht för de Swing.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht bi de Kapell an’n Karkhoff. Blangen de Fullenen ut Swing sülvs warrt ok acht Soldaten gedacht, de ut de Oostrebeden kemen un de-ehr Familien na’n Krieg in Swing en ne’e Heimat funnen hebbt.
In Swing warrt jümmer an’n eersten Advent Wiehnachtsmarkt fiert.
Weertschop un Infrastruktur
[ännern | Bornkood ännern]De Kreisspoorkass Stood harr in Swing in de Borgstraat 39 en Filiaal, de to’n 28. Februar 2017 dichtmaakt hett.
Verkehr
[ännern | Bornkood ännern]Swing liggt an de Kreisstraat 1, över de dat in’n Noorden an de Bundsstraat 74 anbunnen is. In’n Süden löppt de Straat na Freenbeek.
Lüüd
[ännern | Bornkood ännern]De Politiker Joachim Burfeindt is 1892 in Swing boren.
Footnoten
[ännern | Bornkood ännern]- ↑ http://www.denkmalprojekt.org/2009/schwinge_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 554: http://books.google.de/books?id=tG0AAAAAcAAJ&pg=PA554
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 152: http://books.google.de/books?id=eOI-AAAAcAAJ&pg=PA152
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143: https://books.google.de/books?id=qTZDAQAAMAAJ&pg=RA2-PA143
- ↑ http://www.gemeindeverzeichnis.de/gem1900/gem1900.htm?hannover/stade.htm
- ↑ a b c http://www.verwaltungsgeschichte.de/stade.html