Mairie Ohlers

De Mairie Ohlers weer in de Franzosentied (1810 bet 1813) een von de dree Mairien, in de de Kanton Hornborg indeelt weer. De Seet weer in Ohlers. Se harr 1722 Inwahners.

Historie

De Ümgegend von Ohlers hett vör de Franzosentied to dat Gericht Delm, dat Amt Harsfeld un de Böörd Zittens von dat Amt Zeven in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Ohlers een von de twölv Mairien in’n Kanton Harsfeld von’n Distrikt Stood, Departement von de Elv- un Wersermünnen. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Ohlers weer nu een von de dree Mairien in’n Kanton Hornborg, Distrikt Stood, Departement von de Elvmünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de veer Mairien Ohlers, Wiegersen, Örsdörp un Kutenhult (all veer in’n Kanton Harsfeld) höört harrn.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd

Dor hebbt düsse Öörd tohöört:

• Königriek Westfalen:

  Ohlers, Ohrenswohl, Bokel, Ohrensmoor

• Kaiserriek Frankriek:

  Ohlers, Ohrenswohl, Ohrensmoor, Bokel (530 Inwahners)

  Wiegersen, Bockhorst (435 Inwahners)

  Örsdörp, Klethen, Kohlenhusen, Ottendörp (369 Inwahners)

  Kutenhult, Bullenholt, Wehl (388 Inwahners)

Vondaag sünd düsse Öörd Deel von de Ohlers, Obbens, Harsfeld un Freenbeek.