Lünenspecken
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21717 | |
| Vörwahl: | 04149 | |
| Geograafsche Laag: | Koordinaten:53° 30′ N, 9° 26′ O53° 30′ N, 9° 26′ O | |
|
| ||
Lünenspecken (hoochdüütsch Lünenspecken) is en lütten Oort in de Gemeen Freenbeek (Samtgemeen Freenbeek) in’n Landkreis Stood, Neddersassen. De Oort höört polietsch al von öllers bi Wehl mit bi.
Geografie[ännern | Bornkood ännern]
In’n Süüdoosten von’n Oort liggt dat Naturschuulrebeed Frankenmoor.
De Naveröörd sünd Deinst in’n Noorden, Helmst un Heidkroog in’n Noordoosten, Issendörp, Lusthoop un Ohrens in’n Süüdoosten, Bargst in’n Süden, Frankenmoor in’n Süüdwesten un Wehl un Freenbeek in’n Noordwesten.
Historie[ännern | Bornkood ännern]
Verwaltungsgeschicht[ännern | Bornkood ännern]
De Oort hett vör 1852 to de Böörd Mulsen in dat Amt Harsfeld tohöört. 1852 is de Böörd Mulsen in dat Amt Stood wesselt, dat 1859 Deel von dat Amt Himmelpoorten worrn is. Na 1885 weer dat in’n Kreis Stood un 1932 is dat Deel von’n ne’en, grötteren Kreis Stood worrn.
Inwahnertall[ännern | Bornkood ännern]
| Johr | Inwahners |
|---|---|
| 1. Dezember 1871[1] | 11 Lüüd, 3 Hüüs |
Religion[ännern | Bornkood ännern]
Lünenspecken is evangeelsch-luthersch präägt un hett bet 1959 to dat Kaspel von de Primus-Kark in Bargst höört. Nu höört dat to de Martin-Luther-Kark in Freenbeek.
För de Kathoolschen is de Hillig-Geist-Kark in Stood tostännig. Von 1968 bet 2003 weer de Lukas-Kark in Freenbeek för Lünenspecken tostännig.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Lünenspecken is in’n Westen över Wehl an de Kreisstraat 50 verbunnen, de in’n Noorden na Freenbeek geiht un in’n Süüdoosten na Bargst an de Landsstraat 123. Von Wehl na Süüdwesten geiht de K 61 na Aasp an de L 123.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 16 Kilometer in’n Noordoosten von Lünenspecken.
De nächsten Bahnhööv sünd so bi söven Kilometer wied weg in’n Süden/Süüdwesten de Bahnhoff Bargst un de Bahnhoff Brest-Aasp an de Bahnlien Bremerhoben–Buxthu.
Footnoten[ännern | Bornkood ännern]
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143: https://books.google.de/books?id=qTZDAQAAMAAJ&pg=RA2-PA143