Schoolzentrum Olendörp

Vun Wikipedia
Zur Navigation springen Zur Suche springen

Dat Schoolzentrum Olendörp is en School in Olendörp, mit Grundschool, Hauptschool un Realschool. Dat Schoolzentrum nimmt de Schölers ut de ole Samtgemeen Olendörp op. De Samtgemeen Olendörp-Himmelpoorten is de Dreger von de School. De Schölers ut Heinbockel, Hogenoh, Burweg, Blomendol un Bossel gaht von de 1. Klass af an na dat Schoolzentrum, de Schölers ut Kronenborg, Brobargen, Gröpel, Beeß un Esdörp gaht toeerst na de Grundschool Esdörp un wesselt denn na Olendörp oder na dat Gymnasium (Gymnasium Bremervöör oder Vincent-Lübeck-School).

De School hett so bi 600 Schölers un 40 Schoolmeesters.

Nadem de ole Volksschool in Olendörp to lütt worrn weer, hebbt se 1962 en ne’e School an de Eck von de Sunner Straat un de hüdige Schoolstraat boot. De School is 1963 trech worrn un in dat Johr hett Olendörp ok de Schölers von de School in Bossel övernahmen. 1966 hett Olendörp de Klassen 5 bet 9 von de Scholen in Blomendol, Esdörp, Gröpel un Kronenborg övernahmen. 1966 warrt ok de eerste Turnhall boot, de vondaag de ole Turnhall nöömt warrt. 1970 warrt de Sportplatz trech un 1981 warrt de gröttere ne’e Turnhall boot.

1975 övernimmt Olendörp de Schölers ut Heinbockel un 1993 warrt dat Schoolzentrum ok Realschool. Vörher müssen de Realschölers för de 10. Klass na de Porta-Coeli-School in Himmelpoorten.

De Skulptur ut Backsteen vör’n Ingang to dat Schoolzentrum hett Barbara Uebel 1990 utklamüsert.

Schoolbaas[ännern | Bornkood ännern]

  • opstunns: Wolfgang Schulz-Krabbe

Schöleruttuusch[ännern | Bornkood ännern]

Von 2004 af an maakt dat Schoolzentrum för de Klass 8 un 9 elk Johr en Schöleruttuusch mit dat Collège Pithou in Troyes, Frankriek.

Weblenken[ännern | Bornkood ännern]


Koordinaten:53° 35′ N, 9° 16′ O