Beeß

Wapen/Flagg

Koort

Basisdaten

Bundsland: Neddersassen

Landkreis: Stood

Samtgemeen: Olendörp-Himmelpoorten

Gemeen: Esdörp

Flach:

5,83 km²

Inwahners:

150 (2012-01-011. Januar 2012)

Inwahnerdicht:

25,7 Inwahners pro km²

Postleettall:

21727

Vörwahl:

04140

Geograafsche Laag:

Koordinaten:53° 32′ N, 9° 12′ O53° 32′ N, 9° 12′ O

Beeß (hoochdüütsch Behrste) is en Dörp in de Gemeen Esdörp in den Landkreis Stood, Neddersassen. Bi Beeß höört ok de Öörd Forst un Huud to.

Geografie

Dat Dörp liggt direkt bi de Oost. De Naveröörd sünd Gröpel in’n Noorden, Öölm in’n Süden un Neer-Ochenhusen in’n Westen op de anner Siet Oost.

Historie

Vör 1885 weer dat Dörp Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.

Beeß weer en temlich lütte Gemeen un hett sik dorüm 1965 mit Olendörp un de twee annern lütten Gemenen Bossel un Brobargen to de Samtgemeen Olendörp tohoopslaten. Düsse Samtgemeen harr man söven Johr Bestand. Denn hett dat de Gemeenreform in Neddersassen geven. Beeß is dorbi an’n 1. Juli 1972 Deel von de Gemeen Esdörp worrn. Gliektiedig is en ne’e, düüdlich gröttere Samtgemeen Olendörp grünnt worrn, to de de Gemeen Esdörp un dormit ok Beeß höört hett. Disse Samtgemeen harr Bestand bet to’n 1. Januar 2014, as de Samtgemeen Olendörp mit de Samtgemeen Himmelpoorten to de Samtgemeen Olendörp-Himmelpoorten tohoopgahn is.

In’n Eersten Weltkrieg sünd acht Soldaten ut Beeß fullen oder vermisst, in’n Tweten Weltkrieg weren dat 21 Soldaten^[1].

Inwahnertall

Johr	Inwahners
1824-00-001824^[2]	5 Füürsteden
1848-00-001848^[3]	49 Lüüd, 6 Hüüs
1871-12-011. Dezember 1871^[4]	43 Lüüd, 8 Hüüs
1910-12-011. Dezember 1910^[5]	174*
1925-00-001925^[6]	212
1933-00-001933^[6]	189
1939-00-001939^[6]	176
1961-06-066. Juni 1961^[7]	207
1970-05-2727. Mai 1970	183
2002-12-3131. Dezember 2002	167
2006-00-002006	157
2012-01-011. Januar 2012^[8]	150

* von 1910 af an sünd Huud un Forst mittellt

Religion

Beeß is evangeelsch-luthersch präägt un höört to dat Kaspel von de Martinskark in Olendörp.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur

De Schüttenvereen Beeß is 1950 grünnt worrn.

Bi’n Beßer Karkhoff steiht en Denkmaal för de Fullenen ut de twee Weltkrieg’.

Weertschop un Infrastruktur

Verkehr

An Beeß langs na Öölm un Esdörp geiht de Landsstraat 114. Na de anner Sied Oost kummt een blot över Bremervöör oder över de Fähr in Gröpel.

In Tokumst schall dat bi Huud an de L 114 en Opfohrt op de plaante Bundsautobahn 20 geven.

De nächsten Bahnhööv sünd in Bremervöör an de Bahnlien Bremerhoben–Buxthu, wat so bi ölven Kilometer weg is, un in Himmelpoorten an de Nedderelvbahn von Cuxhoben na Hamborg, wat so bi 15 Kilometer weg is.

Scholen

Beeß hett keen egen School mehr. Na Grundschool gaht de Kinner na de Grundschool Esdörp, op Haupt- un Realschool na dat Schoolzentrum Olendörp, op Gymnasium na de Vincent-Lübeck-School in Stood oder na dat Gymnasium Bremervöör.

Lüüd

De Fotograaf Günter Zint wahnt siet 2011 in Beeß.

Böker

Friedrich Holst: Grupilinga und die Töchter, die Geschichte der Gemeinde Estorf. 1981

Footnoten

↑ http://www.denkmalprojekt.org/2009/estorf-behrste_wk1u2_ns.htm
↑ C. H. Jansen: Statistisches Handbuch des Königreichs Hannover. 1824, Sied 46: http://books.google.de/books?id=tG0AAAAAcAAJ&pg=PA46
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141: https://books.google.de/books?id=qTZDAQAAMAAJ&pg=RA2-PA141
↑ http://www.gemeindeverzeichnis.de/gem1900/gem1900.htm?hannover/stade.htm
↑ ^a ^b ^c http://www.verwaltungsgeschichte.de/stade.html
↑ Zensus 1961
↑ http://www.samtgemeinde-oldendorf.de/estorf.html

Weblenken

Beeß. Mehr Biller, Videos oder Audiodateien to’t Thema gifft dat bi Wikimedia Commons.

[1] ttp://www.denkmalprojekt.org/2009/estorf-behrste_wk1u2_ns.htm

[InwahnertallRef1-2] C. H. Jansen: Statistisches Handbuch des Königreichs Hannover. 1824, Sied 46: http://books.google.de/books?id=tG0AAAAAcAAJ&pg=PA46

[InwahnertallRef2-3] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134

[InwahnertallRef3-4] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141: https://books.google.de/books?id=qTZDAQAAMAAJ&pg=RA2-PA141

[InwahnertallRef4-5] ttp://www.gemeindeverzeichnis.de/gem1900/gem1900.htm?hannover/stade.htm

[verwg.de-6] ttp://www.verwaltungsgeschichte.de/stade.html

[InwahnertallRef8-7] Zensus 1961

[InwahnertallRef12-8] ttp://www.samtgemeinde-oldendorf.de/estorf.html

[1]

[2]

[3]

[4]

[5]

[6]

[7]

[8]