Willah

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Olendörp-Himmelpoorten Gemeen: Heinbockel
Inwahners:
Postleettall:	21726
Vörwahl:	04762
Geograafsche Laag:	53° 32′ N, 9° 16′ O

Willah (hoochdüütsch Willah) is en lütten Oort in de Gemeen Heinbockel in’n Landkreis Stood, Neddersassen. Bi Willah höört ok Willahermoor mit bi, wat en Stück in’n Süüdoosten von Willah liggt.

Geografie

Willah liggt op de Geest an’n Rand na dat Hoge Moor, dat in’n Noorden liggt. De Öölmer See is en knappen Kilometer weg.

De Naveröörd sünd Kaken un Olendörp in’n Noorden, Hogenoh in’n Noordoosten, Mulsen in’n Süüdoosten, Öölm mit Grööndörp, Schierel un Vörhoorn in’n Süüdwesten, Öölmerheid in’n Westen un Beeß, Forst, Huud un de Böötz in’n Noordwesten.

Historie

De Oort kummt in’t Johr 1500 as Wildela toeerst in de Oorkunnen vör, in’t Vörder Register.

Verwaltungsgeschicht

Willah höört von öllers al to Hogenoh mit to un weer keen egen Gemeen. An’n 1. Juli 1972 is dat denn tohoop mit Hogenoh Deel von de Gemeen Heinbockel worrn.

Vör 1885 weer Willah Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.

Inwahnertall

Johr	Inwahners
1793-00-001793	1 Füürsteed
1824-00-001824	3 Füürsteden
1848-00-001848	41 Lüüd, 6 Hüüs*
1871-12-011. Dezember 1871	23 Lüüd, 2 Hüüs

* tohoop mit Willahermoor

Religion

Willah is evangeelsch-luthersch präägt un höört to dat Kaspel von de Martinskark in Olendörp.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur

Verkehr

Willah liggt an de Bundsstraat 74, de in’n Süüdwesten över Öölm na Bremervöör löppt un in’n Noordoosten över Hogenoh un Wiepenkathen na Stood an de B 73 ran.

De nächsten Bahnhööv sünd de Bahnhoff Bremervöör an de Bahnlien Buxthu-Bremerhoben un de Bahnhoff Hammoh an de Nedderelvbahn von Cuxhoben na Hamborg. De sünd all beid bi 13 Kilometer weg.