Hoog Moor

Vun Wikipedia
Wesseln na: Navigatschoon, Söök
Luftbild von dat Hoge Moor 2013
Olendörper See
Weddervernässt Moor mit verdrunken Barken
Afsapen Törf-Afbosteed
Wullgras in’t Hoge Moor

Dat Hoge Moor is en 644 Hektar groot Naturschuulrebeed (dat Moorrebeed is alltohoop 780 Hektar groot) twüschen Olendörp un Öölm an de Grenz von de Landkreise Stood un Rodenborg. Dat is en Hoogmoor un hett sik toeerst vör so üm un bi 5000 Johr billt. In dat Hoge Moor gifft dat twee Seen, den Olendörper See un den Öölmer See.

Dat Naturschuulrebeed driggt dat Kennteken NSG LÜ 013 un is 1985 ünner Schuul stellt worrn.

Neddersassen hett dat Rebeed 1999 as FFH-Rebeed mellt. 2004 hebbt se denn noch mehr Flächen namellt un dat FFH-Rebeed weer denn 844 Hektar groot.

In dat Moor is in de Tied von so bi 1830 bet in de Johren 1960 von Hand Törf staken worrn. In en LIFE-Projekt mit en Ümfang von 1,29 Millionen Euro is dat Moor von Juli 2001 bet März 2006 weddervernässt worrn. Dat Projektrebeed harr to Anfang 560 Hektar, is 2005 op 653 Hektar vergröttert worrn un weer toletzt 713 Hektar groot.

Dat Water ut dat Hoge Moor flütt över Gravens na’n Gröpeler Möhlenbeek un den Hosterbeek na de Oost hen af.

Planten un Deerten[ännern | Bornkood ännern]

Deerten[ännern | Bornkood ännern]

In’t Hoge Moor gifft dat en Barg Soorten Peerjumfern un Botterlickers so as Plebejus optilete.

An Reptilien leevt dor Snaken un Addern, bi de Amphibien Moorpoggen.

Vagels in dat Hoge Moor sünd ünner annern Kraans, Moorulen un Falken. Op de Seen sünd blangen Aanten vör allen in de Treckeltied Grau-, Nunnen- un Nilgöös to finnen. An de Moorrannen gifft dat Geelgööschen, Bookfinken, Kohl- un Blaumesen, Kukuuks un Boomlöpers.

An Wild gifft dat vör allen Reh, ok Wildswien un Hasen. De Tacks kummt nich mehr nadem dat Moor weddervernässt worrn is.

Planten[ännern | Bornkood ännern]

An de Steden, de wat höger liggt, is Brookholt von Ellern, Barken un Fuhren to finnen. An de Steden, de sieder sünd, sünd veel Törfmoss un Besen to finnen. Dat gifft ok Sünnendau, Wullgras un op apen Flächen Klockenheid un Snavelbesen. An Wegrannen un Dämm gifft dat faken Bickbeer, Vagelbeern un Flohholt.

Weblenken[ännern | Bornkood ännern]

Commons-logo.svg Hoog Moor. Mehr Biller, Videos oder Audiodateien to’t Thema gifft dat bi Wikimedia Commons.



Koordinaten:53° 33′ N, 9° 16′ O