Snook

Vun Wikipedia

De Snook is en 265 Hektar groot Naturschuulrebeed in’n Oosten von Geversdörp in’n Landkreis Cuxhoben. Mit en lütt Stück von twee Hektar reckt de Snook ok op dat Rebeed von de Gemeen Balje in’n Landkreis Stood. De Snook liggt in de Masch to beide Sieden von de Oost.

Dat Naturschuulrebeed driggt dat Kennteken NSG LÜ 264 un is an’n 16. Februar 2004 ünner Schuul stellt worrn. En lütteren Deel höört ok to dat FFH-Rebeed Ünnerelv.

Dat Rebeed liggt kumplett butendieks. Dat Land warrt von de Bueree extensiv as Gröönland bruukt oder liggt braak. Dor gifft dat en Barg Gravens un Prielen, de ok von de Tieden beinflusst sünd. Deelwies is dat Wadd oder dor steiht Reet op. Besünners för Water- un Waatvagels hett dat Rebeed en besüünern Weert.

Op dat linke Över von de Oost gifft dat mit de Dove Oost en olen doden Arm von’n Stroom un op dat rechte Över münnt de Krummendieker Wettern.

In dat Natuurschuulrebeed gifft dat twee Hüüs, von dat een ok as Denkmaal schuult is.


Koordinaten:53° 48′ N, 9° 6′ O