Priel

Vun Wikipedia
En Priel twischen Nigehörn un Scharhörn an de Noordsee
De Sleenz, een Stroompriel in Hamborg, Olengamm

Een Priel is een Waterloop in dat Watt un an Tidestrooms. De Strömung kümmt vun de Tied. Bi oploopend Water löppt dat Water in den Priel rin, bi afloopend Water löppt dat wedder rut. De Strömung kann bannig gau sien, mehr as 10 km/h.

Faken löppt de Prielen in Mäanders. Denn gifft dat een Prallhang, de steep is un tomeist ut faster Sediment is un een flacken Gliedhang, woneem de Strömung sachter geiht un faken Slick is. De Loop vun een Priel kann sik vun een Johr to dat anner bannig ännern, besünners bi Stormflood.

För Wattenlopers sünd de Prielen dorüm nich ahn Gefahr. De meesten Lü, de in dat Watt versupen, harrn sik vun Prielen afsnieden laten oder sünd dor versackt.

Dat gifft ok Prielen, de as Fohrwater un as Waterstraat bruukt warrt.