Gröpeler Möhlenbeek

Vun Wikipedia
Zur Navigation springen Zur Suche springen
Gröpeler Möhlenbeek
Laag Landkreis Stood
Stroomsystem Elv
Läng 6 km
Born bi Olendörp
Münn bi Gröpel in de Oost
Afströömrebeed 22,85[1] km²
Waterkenntall DE: 59856
vörn rechts in’t Bild de Münn von’n Gröpeler Möhlenbeek

De Gröpeler Möhlenbeek is en üm un bi söss Kilometer langen[2] Beek in’n Westen von’n Landkreis Stood, de von rechts in de Oost münnt.

De Born von’n Gröpeler Möhlenbeek liggt in’n Süden von Olendörp. Von dor flütt de Beek na Süüdwesten twüschen Wittenmoor un Kaken langs. In’n Süüdoosten von Esdörp münnt von links en Graven in’n Möhlenbeek, de ut dat Hoge Moor bi’n Böötz kummt. De Gröpeler Möhlenbeek flütt denn in’n Süden von Esdörp langs un in’n Noorden von Forst un Huud. Bi Esdörp münnt von links de Rehdengraven in’n Beek un bi Forst noch wedder en Graven, de ut dat Hoge Moor kummt. Bi Forst geiht ok de Landsstraat 114 över den Beek röver. An’n Süüdrand von Gröpel münnt de Möhlenbeek in de Oost. Fröher weer de Münn 250 Meter wieder de Oost rop bet de Loop von’n Beek ümleggt worrn is. De Münn is dör en Schöppwark sekert.

Dat Water in de Oost flütt denn wieder in de Elv un de Noordsee.

Wenn in Tokumst de Autobahn 20 boot warrt, denn schall de Autobahn ok över den Beek rövergahn.

Footnoten[ännern | Bornkood ännern]

  1. Gewässergütebericht ELBE 2000 Niedersachsen.
  2. Michael Bergemann: Gesamtliste der Fließgewässer im Elbeeinzugsgebiet. 2012


Koordinaten:53° 34′ N, 9° 10′ O