Böötz

Vun Wikipedia
Zur Navigation springen Zur Suche springen
Wapen/Flagg Koort

Wapen vun Böötz

Böötz
Laag vun Böötz in Düütschland
Basisdaten
Bundsland: Neddersassen
Landkreis: Stood
Samtgemeen: Olendörp-Himmelpoorten
Gemeen: Esdörp
Inwahners:
Postleettall: 21727
Vörwahl: 04140
Geograafsche Laag:
Koordinaten:53° 33′ N, 9° 14′ O
53° 33′ N, 9° 14′ O

De Böötz (hoochdüütsch Bötz) is en lütten Oort in de Gemeen Esdörp in’n Landkreis Stood, Neddersassen.

Geografie[ännern | Bornkood ännern]

In’n Süüdoosten von’n Böötz liggt dat Hoge Moor. Dat Water ut’n Böötz flütt över Gravens na’n Gröpeler Möhlenbeek hen un von dor rin’e Oost.

De Naveröörd sünd Kaken, Wittenmoor un Olendörp in’n Noorden, de Timmerlood un Olendörp Siedlung in’n Noordoosten, Hogenoh un Willah in’n Süüdoosten, Öölmerheid, Vörhoorn un Schierel in’n Süden, Öölm, Beeß, Forst un Huud in’n Süüdwesten un Gröpel un Esdörp in’n Noordwesten.

Historie[ännern | Bornkood ännern]

De Böötz höört von öllers al to Esdörp mit to un weer keen egen Gemeen.

Vör 1885 weer de Böötz Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.

Religion[ännern | Bornkood ännern]

De Böötz is evangeelsch-luthersch präägt un höört to dat Kaspel von de Martinskark in Olendörp.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Infrastruktur un Weertschop[ännern | Bornkood ännern]

Verkehr[ännern | Bornkood ännern]

De Böötz liggt an’n Olen Karkweg, op den de Öölmer na Olendörp na Kark gahn sünd. De Weg geiht in’n Noordoosten na Olendörp an de Landsstraat 114 ran un in’n Süüdwesten kort vör Öölm ok an de L 114 ran un denn in Öölm na de Bundsstraat 74. Ans gifft dat noch en Straat na Noordwesten na Esdörp na’n Oosterbarg. Na Süüdoosten to gifft dat dör dat Hoge Moor keen Straten.

De nächste Bahnhoff is in Himmelpoorten an de Nedderelvbahn von Cuxhoben na Hamborg, wat so bi teihn Kilometer weg is.

Footnoten[ännern | Bornkood ännern]