Timmerlood
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21726 | |
| Vörwahl: | 04144 | |
| Geograafsche Laag: | Koordinaten:53° 35′ N, 9° 17′ O53° 35′ N, 9° 17′ O | |
|
| ||
De Timmerlood (hoochdüütsch Timmerlade) is en lütten Oort in de Gemeen Olendörp (Samtgemeen Olendörp-Himmelpoorten) in’n Landkreis Stood, Neddersassen.
Geografie
[ännern | Bornkood ännern]De Oort liggt op de Stoder Geest. In’n Süüdwesten von de Timmerlood liggt dat Hoge Moor un in’n Oosten de Sunner Seen. Dat Water ut dat Rebeed flütt över’n Olendörper Beek na’n Hosterbeek hen af.
De Naveröörd sünd Kuhla in’n Noordoosten, Sunn in’n Oosten, Heinbokel un Hogenoh in’n Süüdoosten, Olendörp Siedlung in’n Süden, Kaken un de Böötz in’n Süüdwesten un Olendörp in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Timmerlood höört von öllers al to Olendörp mit to un weer to keen Tied en egen Gemeen.
Vör 1885 weer de Timmerlood Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1885[1] | 60 Lüüd, 12 Hüüs |
Religion
[ännern | Bornkood ännern]De Timmerlood is evangeelsch-luthersch präägt un höört to dat Kaspel von de Martinskark in Olendörp.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Weertschop un Infrastruktur
[ännern | Bornkood ännern]För de Timmerlood is de Freewillige Füürwehr Olendörp mit tostännig.
Verkehr
[ännern | Bornkood ännern]De Timmerlood liggt an de Kreisstraat 72, de in’n Noordwesten in Olendörp an de Landsstraat 114 ran geiht. In’n Süüdoosten geiht de K 72 in Heinbokel an de K 57 ran, de denn in Düünbeudel Ansluss an de Bundsstraat 73 un in Hogenoh an de B 74 büddt. In’n Süden löppt en Straat na Olendörp Siedlung. De L 114 föhrt in’n Noordoosten na Himmelpoorten an de Bundsstraat 73 un in’n Süüdwesten över Esdörp un Beeß na Öölm an de Bundsstraat 74.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 17 Kilometer in’n Oosten von de Timmerlood an de B 73.
De nächste Bahnhoff is de Bahnhoff Himmelpoorten an de Nedderelvbahn von Cuxhoben na Hamborg, wat so bi söss Kilometer weg is.
Footnoten
[ännern | Bornkood ännern]- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 152