Siedlung Olendörp

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Siedlung Olendörp
Laag vun Siedlung Olendörp in Düütschland
Basisdaten
Bundsland: Neddersassen
Landkreis: Stood
Samtgemeen: Olendörp-Himmelpoorten
Gemeen: Olendörp
Inwahners:
Postleettall: 21726
Vörwahl: 04144
Geograafsche Laag:
Koordinaten:53° 34′ N, 9° 17′ O
53° 34′ N, 9° 17′ O

Siedlung Olendörp (hoochdüütsch Siedlung Oldendorf) is en lütten Oort in de Gemeen Olendörp (Samtgemeen Olendörp-Himmelpoorten) in’n Landkreis Stood, Neddersassen.

Geografie[ännern | Bornkood ännern]

De Oort liggt op de Stoder Geest. In’n Süüdwesten liggt dat Hoge Moor, wat ok en Naturschuulrebeed is. Dat Water ut dat Rebeed flütt över’n Hosterbeek af.

De Naveröörd sünd de Timmerlood in’n Noorden, Sunn un Heinbokel in’n Noordoosten, Hogenoh in’n Süüdoosten, Willahermoor un Willah in’n Süden, Öölmerheid, Öölm, Beeß, Forst un de Böötz in’n Süüdwesten un Kaken un Olendörp in’n Noordwesten.

Historie[ännern | Bornkood ännern]

De Oort is eerst in dat 20. Johrhunnert as Siedlung an’n Rand von dat Hoge Moor von Olendörp ut grünnt worrn.

De Oort hett al jümmer bi de Gemeen Olendörp mit bihöört.

Religion[ännern | Bornkood ännern]

Siedlung Olendörp is evangeelsch-luthersch präägt un höört to dat Kaspel von de Martinskark in Olendörp.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Weertschop un Infrastruktur[ännern | Bornkood ännern]

För Siedlung Olendörp is de freewillige Füürwehr Olendörp mit tostännig.

Verkehr[ännern | Bornkood ännern]

Von Siedlung Olendörp löppt een Straat in’n Noorden na Timmerlood un dor an de Kreisstraat 72. En twete Straat föhrt in’n Noordwesten na Olendörp an de Landsstraat 114 un in’n Süüdoosten na Hogenoh an de K 57 un de Bundsstraat 74. De L 114 geiht von Olendörp in’n Noordoosten na Himmelpoorten an de Bundsstraat 73 un in’n Süüdwesten över Esdörp un Beeß na Öölm an de B 74.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 17 Kilometer in’n Oosten von Siedlung Olendörp an de B 73.

De nächste Bahnhoff is so bi acht Kilometer wied weg in’n Noordoosten de Bahnhoff Himmelpoorten an de Nedderelvbahn von Cuxhoben na Hamborg.