Borg (Engelschopp)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Borg
Laag vun Borg in Düütschland
Basisdaten
Bundsland: Neddersassen
Landkreis: Stood
Samtgemeen: Olendörp-Himmelpoorten
Gemeen: Engelschopp
Inwahners:
Postleettall: 21710
Vörwahl: 04144
Geograafsche Laag:
Koordinaten:53° 38′ N, 9° 20′ O
53° 38′ N, 9° 20′ O

Borg (hoochdüütsch Burg) is en lütten Oort in de Gemeen Engelschopp in’n Landkreis Stood, Neddersassen.

Geografie[ännern | Bornkood ännern]

Dör Borg flütt de Borgbeekkanaal.

De Naveröörd sünd Engelschopp un Waterkroog in’n Noorden, Hammahermoor in’n Noordoosten, Groot-Steernbarg in’n Oosten, Hammah in’n Süüdoosten, Himmelpoorten mit Ramels, Ossenpohl un Löh in’n Süüdwesten, Bredenwisch in’n Westen un Neeland in’n Noordwesten.

Historie[ännern | Bornkood ännern]

De Naam Borg geiht trügg op en Sandbarg, de ut dat Moor ringsüm utkeek. An düssen Barg is de ole Loop von’n Borgbeek langslopen. De Barg is as ole Schanz interpreteert worrn. Na dat Swafelsmoor, an dat de Schanz leeg, is de Oort fröher ok Swafelsborg nöömt worrn. De Sandbarg is vondaag afdragen un nich mehr dor.

Verwaltungsgeschicht[ännern | Bornkood ännern]

Vör 1885 weer Borg Deel von’n Klooster- un Masch-Distrikt von dat Amt Himmelpoorten. 1885 is de Oort denn Deel von’n Kreis Stood worrn, de 1932 mit de Kreise Jörk un Keden to’n hüdigen Kreis Stood tohoopgahn is.

De Oort höört von öllers bi de Gemeen Engelschopp mit bi.

Inwahnertall[ännern | Bornkood ännern]

Johr Inwahners
1791-00-001791[1] 25 Füürsteden
1848-00-001848[2] 100 Lüüd. 24 Hüüs
1871-12-011. Dezember 1871[3] 112 Lüüd. 27 Hüüs
1885-12-011. Dezember 1885[4] 115 Lüüd. 24 Hüüs
1905-12-011. Dezember 1905[5] 110 Lüüd. 23 Hüüs

Religion[ännern | Bornkood ännern]

Borg is evangeelsch-luthersch präägt un höört to dat Kaspel von de Petrus-Kark in Host.

För de Kathoolschen is de Hillig-Geist-Kark in Stood tostännig.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Borg is 1929 grünnt worrn. Schaten hebbt se in de Borgschanz mit de twee Kleenkalibergewehren, de den Vereen tohören. De Diek vun’n Borgbeek deen as Kugelfang. Disse provisorische Scheetstand müss 1936 op Anwies vun’t Amt opgeven warrn. Bi’n Gasthoff Jarck hebbt se en ne’en boot. De eerste Fahn hebbt se 1934 köfft un wieht. 1939 müss wegen den Krieg denn dat Scheten instellt warrn. De Fahn un de Gewehren güngen in’n Krieg verloren. Ok de Fahn – woll vun wegen dat Hakenkrüüz dat dor op weer – is to Kriegsenn verbrannt worrn. Na den Krieg geev dat Gedanken den Vereen weddertobeleven, doch de sünd in’n Sand verlopen un de Schüttenbröders sünd de Naververenen bitreden.

Bruukdom[ännern | Bornkood ännern]

In Borg gaht de de Mannslüüd to Faslom dör’t Dörp un snorrt Wust un Eier, de den Avend tohoop opeten warrt.

Weertschop un Infrastruktur[ännern | Bornkood ännern]

För Borg is de Freewillige Füürwehr Engelschopp mit tostännig.

Verkehr[ännern | Bornkood ännern]

Borg liggt an de Kreisstraat 62, de in’n Noordoosten över Waterkroog un Hammahermoor na Engelschopp löppt un in’n Süüdwesten över Ossenpohl na Himmelpoorten an de Bundsstraat 73 ran geiht. In’n Süüdoosten löppt de Maschweg na Hammoh.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 16 Kilometer in’n Süüdoosten von Borg an de B 73.

De nächste Bahnhoff is de Bahnhoff Himmelpoorten an de Nedderelvbahn von Cuxhoben na Hamborg, wat so bi dree Kilometer weg is.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 206
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 134
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 151
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 159