Steernbarg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21682 | |
| Vörwahl: | 04141 | |
| Geograafsche Laag: | Koordinaten:53° 37′ N, 9° 25′ O53° 37′ N, 9° 25′ O | |
|
| ||
Steernbarg (hoochdüütsch Sternberg) is en lütten Oort in de Gemeen Stood in’n Landkreis Stood, Neddersassen.
Geografie[ännern | Bornkood ännern]
Steernbarg liggt an’n Süüdrand von dat Kedener Moor hen na de Stoder Geest. Dat Water ut dat Rebeed flütt över de Haschenfleter Wettern af.
De Naveröörd sünd Stodermoor, Bockhorst un Schölisch in’n Noordoosten, Hogenwedel in’n Oosten, Hahl in’n Süden, Haddörp in’n Süüdwesten, Middelsdörp in’n Westen un Hammoh, Groot-Steernbarg un Villah in’n Noordwesten.
Historie[ännern | Bornkood ännern]
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Stood in’n Kanton Stood höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to dat Amt Stood-Gothenborg tohöört un denn von 1859 bet 1885 to dat Amt Himmelpoorten. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.
In de Midd von dat 19. Johrhunnert is ut de Hööv Hahl, Steernbarg, Villah un Bockhorst de Gemeen Eenstellige Hööv billt worrn. De hett bet to’n 1. Oktober 1938 bestahn. An den Dag is Villah in de Gemeen Groot-Steernbarg wesselt un Hahl, Steernbarg un Bockhorst sünd Deel von de Gemeen Stood worrn.
Inwahnertall[ännern | Bornkood ännern]
| Johr | Inwahners |
|---|---|
| 1793[1] | 2 Füürsteden |
| 1824[2] | 2 Füürsteden |
| 1848[3] | 15 Lüüd, 2 Hüüs |
| 1. Dezember 1871[4] | 15 Lüüd, 2 Hüüs |
Religion[ännern | Bornkood ännern]
Steernbarg is evangeelsch-luthersch präägt un höört to dat Kaspel von de Markus-Kark in Hahl. Bevör de Karkengemeen 1965 grünnt worrn is, hett Steernbarg to dat Kaspel von de Cosmae-Kark in Stood tohöört. Ganz fröher hett dat to dat Kaspel von de Wilhadi-Kark in Stood höört.
För de Kathoolschen is de Hillig-Geist-Kark in Stood tostännig.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Steernbarg is över Hahl in’n Süden anbunnen an de Bundsstraat 73, de dichtbi ok an de B 74 anbunnen is.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so söven Kilometer in’n Süüdoosten von Steernbarg.
De nächste Bahnhoff is so bi fiev Kilometer wied weg in’n Süüdwesten de Bahnhoff Stood an de Nedderelvbahn.
Footnoten[ännern | Bornkood ännern]
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 235: https://books.google.de/books?id=jN5QAAAAcAAJ&pg=PA219
- ↑ C. H. Jansen: Statistisches Handbuch des Königreichs Hannover. 1824, Sied 580: http://books.google.de/books?id=tG0AAAAAcAAJ&pg=PA580
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143: https://books.google.de/books?id=qTZDAQAAMAAJ&pg=RA2-PA143